ایشیق 1
آذربایجان معلم‌لری و تحصیل مساله‌سی
ایشیق 2

آذربایجان قفه‌خانالاری

ایشیق 3

آذربایجان و مهاجرت مساله‌سی

ایشیق 4
آذربایجان توی‌لاری

 mamadli
هولاوارلار
توپلايان: اسماعيل ممدلي

 اؤکوز، اؤکوز، قان اؤکوز

بوينو قـيزيل قان اؤکوز

چک چايـيري چمندن

سنه جان قوربان اؤکوز

اؤکوزوٍم بيردي منيم

طالعيم کوردو منيم

ايکي اولدو اؤکوزوٍم

قارا چوخام  دوردو منيم

باشينا من دولانـيم

من دؤنوٍم من دولانـيم

اؤلمه اؤلمه يازيغام

کؤلگه‌‌نده من دولانـيم

بوينونو من ياغلارام

يامان گؤزوٍ داغلارام

تئز چک مارال اؤکوزوٍم

گئري قالسان آغلارام

اؤکوزوٍن هوداقلاري

ساللانـيب دوداقلاري

تئز چکين يـئر قورتارسين

قايـيتسين هوداقلاري

تئللي مرجان بيزه گل

داغدان ائنيب دوٍزه گل

ديرناغينـين ايزييله

بو يـئرلري بزه گل

اؤکوز بوينون ياغلارام

دوٍشمن گؤزوٍن داغلارام

راناني درين گؤتوٍر

سنه يونجا باغلارام

چکن اؤکوز مرد اولور

چکمه‌يیني درد اولور

تنبل اؤکوز يـييه‌سي

خجيل اولور، پرت اولور

قـيزيل اؤکوزوٍم يـئري

قويما شوم قالا گئري

ايتي ترپن ماراليم

دوشمانلار باخير بري

راناداکي  بوز اؤکوز

قوپاريبدي توز اؤکوز

آليب يـئرين جانـيني

چيخسين يامان گؤز اؤکوز

اؤکوز قايـيتدي قاشدان

آي آلله ساخلا داشدان

بد نظر قاباقدادي

يولونو سال بو باشدان

داغ دؤشوٍنده ياتانا

گوٍن گئده‌ر آي باتانا

قارا اؤکوز قارغييار

جوٍتوٍن مجين  توتانا

قارا اؤکوز آراندا

چيخار گوٍن قـيزاراندا

هوداق مورادا چاتار

تورپاقدان بار آلاندا

اؤکوزوٍم گئدير ايشه

قورخورام باغري بيشه

هولا بير بولوت گله

گؤيدن يـئره نم دوٍشه

اؤکوزلر قوشا گئتدي

گوٍج ووردو داشا، گئتدي

جوٍتوٍن مجي  قـيريلدي

زحمتيم بوشا گئتدي

اؤکوزلريم ناز ائـيلر

قويروق بولار توز ائـيلر

هر آخشام گوٍن باتاندا

کؤوشن‌ده پرواز ائـيلر

ننه‌م قارا قاش قويون

قارلي داغلار آش قويون

آي قارانليق گئجه‌ده

چوبانا يولداش قويون

ننه‌م آ شکيل قويون

بئلينده ککيل قويون

آي قارانليق گئجه‌ده

آرخاجا چکيل قويون

ننه‌م آ ناريش قويون

نييه بير قاريش قويون

چوبان سندن کوٍسوٍبدوٍ

سوٍدوٍ وئر باريش قويون

ننه‌م آ کوٍردي قويون

اوتلادي دوردو قويون

آياغين يئره دويوٍر

گوروٍبدوٍ قوردو قويون

ننه‌م قومرال تات قويون

ايلدن ايله آرت قويون

بالالارجان اوٍسته‌دي

يـئتيش آ نامرد قويون

ننه‌م آ شيشک قويون

يونو بير دوشک قويون

بولاماني تئز يـئتير

قـيريلدي اوشاق قويون

قويونون اوزوٍ گلدي

دوٍزلندي يوٍزوٍ گلدي

چوبانـين قوجاغيندا

بيرجه جوٍت قوزو گلدي

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *