ایشیق 1
آذربایجان معلم‌لری و تحصیل مساله‌سی
ایشیق 2

آذربایجان قفه‌خانالاری

ایشیق 3

آذربایجان و مهاجرت مساله‌سی

ایشیق 4
آذربایجان توی‌لاری

داغ بایاتی‌لاری
توپلایان: حمید دادیزاده

ساوالان قاردان دویماز،
خسته‌لر ناردان دویماز،
منیم بو آج گؤزلریم
باخدیقجا یاردان دویماز.

من عاشیق سیزه داغ‌لار،
قار یاغمیش سیزه داغ‌لار!
توتایدیم یار الیندن،
گلئیدیم سیزه داغ‌لار!

مئی داغ‌لار، مزه داغ‌لار،
یار سیزده گزه داغ‌لار!
ساغالمامیش داغ اوستدن،
چکیلدی تزه داغ‌لار.

آ داغ‌لار، بیزیم داغ‌لار،
سیزه وار سؤزوم داغ‌لار!
آلا گؤزلی جئیرانا،
وورغونام اؤزوم داغ‌لار!

عزیزی‌یم داغدا قارا،
گون دوشوب داغدا قارا.
لئیلی‌سی ایتن مجنون،
چؤل‌لری داغ- داغ آرا!

داغ‌لار بو ایل قار ایدی،
ایلغار بو ایلغار ایدی.
همدمسیز، موصاحیبسیز،
عاشیق بو ایل قاریدی.

داغ‌لارین باشی یانیر،
دیبی‌نین داشی یانیر.
یار یادیما دوشنده،
اوره‌گیم باشی یانیر.

هوندور داغ‌لارین دوزو،
جانینا آل بو سؤزو.
غریب جانی یاندیریر،
جاوان اؤلموشون قیزی.

هوندور داغین دوزونو،
ایتیرمیشم اؤزونو.
بیرجه گؤرمک ایستردیم،
عزیز دوستون اوزونو.

داغ‌لار داغ‌لارا باخار،
آرادان چای‌لار آخار.
بیزیم یئرده عادتدیر،
سئون سئونه باخار.

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *