تأسف‌له‌رله آذربایجان شعرینین ایتگین شاعری رضا اسلام‌طلب اکبری (ایتگین) کئچه‌ن چرشنبه گونونون سون ساعات‌لاریندا (۲۳/۹/۹۰) دایمی اولاراق حیاتا اوز دؤنده‌ردی.
اوزون سوره‌ن بیر خسته‌لیک عمرونون سونونا قدر اونونلا آیاقلاشدی و نهایت ایتگین‌ین شاعر روحو بو یوکو داشیماقدان واز کئچدی. عمرو بویو زحمت آدام‌لارینا منسوب اولان رضا ایتگین همین آدام-لارین ایسته‌ک ـ آرزی‌لارینی شعرینده سه‌سله‌ندیردی، خالقی ایله آغلادی، خالقی ایله ده گولدو. ایندی ایسه بیز قالمیشیق و رضا ایتگین‌ین اوزو گولمه‌ز خاطره‌له‌ری. بیر ده ایشیق اوزو گؤرمه‌میش دفتر ـ دفتر شعیرله‌ری.
باشینیز ساغ اولسون
ابدی یاشاسین ایتگین شاعرین اوره‌ک دؤیونتوله‌ری
یئنی تبریز ادبی ـ مدنی ده‌رنه‌یی
25 آذر ۱۳۹۰
