دونیا
یانار اردبیلی
دایان!
باخیم پاییزینا،
هوپسون گؤزلریمه
یارپاقلاری‌نین قیزیلی رنگی!
باهارینی گوروم سنین
باغلاریندان اله‌نن سرین یاشیل‌لیقلاری
دولدوروم ایچیم،
یانیرام ایچیم- ایچیم!
قوی سئیر ائدیم یایلاری‌نی
ییغیم، ساخلاییم ایستی‌لرینی-
یامان گونلریمه
ایلیک لریمده!
قوی دولانیم قیشی‌نیدا
آغ- آپباق ایپک لرینه بوروندور منی!
منیم‌ده اؤز پاییم وار-
شاختادان، قاردان؛
آماندیرآییرما،
آتما منی-
بو دونیالاردان!
