قاشقای شاعرلری‌نین بیر گروهو «دیلهان» آدلی ادبی بیر گروهدا توپلاشارکن اؤز اثرلرینی تلگرام واسیطه‌سیله یایماغا باشلاییبدیرلار. «دیلهان» ادبی گروهوندا قاشقای ائلی‌نین شعر و دیگر ادبی اثرلری یاییلماقلا برابر، قاشقای ادبیاتی حاقیندا سلسله‌لی درس‌لر، ادبی مباحثه‌لر، ادبی تنقید مناظره‌لری و بوگونکو قاشقای شعرینده مختلف ادبی شیوه‌لرین عکس صداسی کیمی موضوعلار دا پادکست شکلینده اوخوجولارا چاتدیریلیر.
«دیلهان» ادبی گروهو قاشقای شاعری «ندا حاتمی»نین باشچلیغی و بیر سیرا دیگر قاشقای ادبیاتچی‌لاری او جومله‌دن: بهرام قاراچایلی، مسلم حسینی، سحر جعفری و فهیمه نجفی‌نین امکداشلیغی ایله اؤز ادبی فعالیتینه باشلاییبدیر.
ایشیق – آذربایجان ادبیات و اینجه‌صنعت سایتی امکداشلاری آدیندان حؤرمتلی شاعریمیز ندا خانم حاتمی‌یه و اونونلا امکداشلیق ائدن باشقا قلمداشلاریمیزا اوغورلار آرزولاییریق.
ایشیق
چئویرن: ایشیق
ترجمه: ایشیق
سسلندیرن: ایشیق
- خبر
- اوخوماق زامانی: < 1 دقیقه
- https://ishiq.net/?p=33731
«دیلهان» ادبی گروهونون تلگرام عنوانی
چاپ
