اوزون گئجه‌لره حئیران دئییلیک،
دوغمایان سحردیر دردیمیز بیزیم!
خزانلی فصیل‌لر قوی اوزاق اولسون،
باغلاردا به‌هردیر دردیمیز بیزیم!
یامان گونه قالیب قارداش باجیمیز،
سایینی آشیبدیر پولسوز، آجیمیز،
بیر تورلو دئییلدیر آغری – آجیمیز،
هرگون بیر ته‌هردیر دردیمیز بیزیم!
گئجه‌لر دهشتلی، یاتماق اولماییر،
بو دردی قوپاردیب آتماق اولماییر،
مین کیلو بالینان اوتماق اولماییر،
آجی بیر زه‌هردیر دردیمیز بیزیم!
«جنون»، ائله درددیر! فیل ایستر دؤزه،
اونون وصف حالی سیغیشمیر سؤزه،
بیر ایکی اوچ اولسا گلمزدی گؤزه،
اویویان شه‌هردیر دردیمیز بیزیم!
