شاعرین سؤزو آغزیندا قالدی
«پریسا اسلام‌وند» حیاتلا وداعلاشدی
کوچه‌میزی قار آلدی
سویوقدو، قالما قالدی
سالام وئردیم آلمادین
سؤزوم آغزیمدا قالدی
«پریسا اسلام‌وند»
تاسفله، استعدادلی آذربایجان شاعری «پریسا اسلام‌وند»ی ده فروردین آیی‌نین سونونجو گونو گؤزلنیلمه‌دن ایتیردیک. ۱۳۵۸نجی ایل تبریز شهرینده دونیایا گؤز آچان پریسا خانیم اسلام‌وند چاغداش شعریمیزین استعدادلی نماینده‌لریندن ایدی. چوخ تاسفله واختسیز اؤلوم اونون یارادیجیلیغی‌نین داهادا چیچکلنمه‌سینه آمان وئرمه‌دی و حیات نغمه‌سی‌نین سؤزلرینی یاریمچیق قویدو؛ او ابدی‌لیک آرامیزدان آیریلدی. خاطیره‌سینی عزیزله‌ییر، حؤرمتلی عائله‌سینه، یولداشلارینا و ادبی جمعیتیمیزه باش ساغلیغی وئریریک.
ایشیق – آذربایجان ادبیات و اینجه صنعت سایتی
۳۱/۰۱/۱۴۰۰
“
