«قارا کؤلگه‌لر» ایشیق اوزو گؤردو

خییولو یازیچی «رحیم خیاوی»نین ایلک حئکایه توپلوسو «قارا کؤلگه‌لر» باشلیغی آلتیندا ایشیق اوزو گؤردو. یازیچی‌نین سکگیز حئکایه‌سینی احتوا ائده‌ن بو کیتاب «حکیم نظامی گنجه‌ای» انتشاراتی طرفیندن یاییلمیش و کیتابا «اؤلومله ال-اله»، «اوستومه داغ یئریدی»، «اوشاقلیقدا قویلانان دومانلی گونلر»، «آجی طالعین سونو»، «سسدن آرینان شهر»، «گوناهسیز گوناهکار» و «قارا کؤلگه‌لر» کیمی حئکایه‌لری داخیل ائدیلمیشدیر.
یازیچی رحیم خیاوی‌نین تشبثی ایله بوندان اؤنجه دونیا ادبیاتی نمونه‌لریندن: «لئو تولستوی»ون اثری اولان «ایوان ایلیچین اؤلومو»، «ایوان تورگینف»ین «آتالار و اوغوللار»رُمانی، «نیکلای قوقول»ون «شنل» آدلی اثری، «عزیزه جعفرزاده»نین «عشق سولطانی» آدلی رُمانی و «آنتون چخوف»ون «آلتی نومره‌لی اوتاق» آدلی اؤیکوسو عرب الیفباسینا کؤچورولموش و نشر ائدیلمیشدیر.