عاشیقم گوله باخدی،
بولبول‌لر گوله باخدی.
بیر گؤزل گولومسه‌دی،
آغزیندان گولاب آخدی.
1
عاشیقم نه سین، دئییم
نه الیف، نه سین دئییم،
گونوم غارته گئتدی،
حالیمین نه‌سین دئییم؟
2
عاشیقم سنه نئیلیم،
وورولموش سنه مئیلیم،
من دؤنسم یوزوم دؤنمز،
سن دؤنسن سنه نئیلیم.
3
عاشیقم داغی گزه‌م،
سینه‌مده دآغی گزه‌م،
مطلبیم یاری گؤرمک،
ایشین نه داغی گزه‌م؟
4
لایلا دئدیم اوجادان،
چیخسین سسیم باجادان،
تانری سنی ساخلاسین،
بوغمادان، قیزیلجادان.
5
ایضاح: بو بایاتی‌لار ۱۳۶۴نجی ایل تبریز شهری‌نین «اهراب‌لار» محله‌سینده توپلانیبدیر.
