قادین
افراسیاب نورالهی

قادین
قادین
آه!
یئنه ایلیشدیم قالدیم کی آدیندا!
نه گوزلمیش آدین!
حله قالسین؛
مست ائدیجی عطرین، دادین
حله قالسین؛
حوکمرانلاری دیز چوکدورن عینادین
حله قالسین کی؛
وارلیغین بیر باشا جنتین اوزودور
یوخلوغون جهنم
و برزخ دیر اولوب اولمادان یادین
حله قالسین کی؛
قادینلیغینی قادین کیمی یاشامادین، دویمادین
حله قالسین کی؛
حله لیک اوز ایچینده بوغولور، قیسیلیر فریادین
حله قالسین کی؛
دویدون آما دویولمادین
حله قالسین کی؛ …..

آه
نه گوزلمیش آدین
آنا
جئیران
دویغو
لیلا
نارین
چیچک
گویچک
یئنه ایلیشدیم قالدیم کی آدیندا!..
آه
نه گوزلمیش آدین!..

۱۳۹۶-۱۲-۱۸ تهران