بیر آبسورد… غزل
کامیل قهرمان اوغلو
قالدیم سوسوزلوق آردینا یارپاقلا کندیمی
سورغوم سولوقلامیش سولومو ساغلا کندیمی
بیردن سایایخلایار اؤلومو ساخسی کؤرپه‌جیک
آخسار بو کلمه‌جیکلری قانداقلا کندیمی
دالغین یالیقلارین یالینا یاللی لزگیلر
شاشقینلاشیب خایاللارا یایلاقلا کندیمی
قیندیرقا کوللارینداکی بیر سودلو یانلیقام
قانقاللیغام منیم آدیما ساخلا کندیمی
یوللار جادارلانیرسادا آددیملانیر قانی
مین بئش‌یوز اللی دردینه شاللاقلا کندیمی
شعیریم ایمکله‌ییر سونالی سئرچه‌لیکلری
باغریمدا دایچالیقلارا بیر باغلا کندیمی
آخشام شامیندا شوملاییب آغریمداکی یاغیش
آچ گؤیسونو دنیزلیینه آغلا کندیمی
سام_سام ساچاقلا ساچلیجاغین ساچلارین، قادان
سؤزجوکلرین ترینده باری بوغلا کندیمی
یورقونلا قوملا قورومتوملا توللا لایلالا
ویر گولله_گولله گوللره سانجاقلا کندیمی …
۱۳۹۲/۵/۳۰
