چیچک اوچون
ربیقه ناظیم قیزی(آذربایجان حمهوریسی)
اللرینله ده‌ییشمه‌یه گلدیم، چیچک!
ساچلاریمی کس، بویا،
بو دفعه دوست اولما!
قادین-قادینا، اینسانا- اینسانا دانیشمایاق،
او گئجه قولونا گیردیییم آدامی سوروشما!
ایلان نفسی قاریشدی چمن قوخوسونا, قاچدیم.
“کئچه‌جک” سویو سوووز باده‌یه،
هامی دا تاپیلان
تسللی حبی ایله وئر ایچیم.
جیبیمده‌کی “بیلمیرم” یایلیغینی
آغزیمدان چیخان آغرییا توت،
سیل آت!
شوشه‌لره توخونوب چیلیک‌لنن عؤمورلردن دانیش،
“ایچیب اؤلمک ایسته‌ییرم” دئین‌لرین قاتیل اولدوغونو خاطیرلات!
یاشاماغی هر کس‌دن چوخ سئودیییمی سؤیله،
دئه کی، منه یالنیز اومیدلره دویون دوشن ساچلاریم مانع اولور؛
قایچیلا!
“سنه لاییق دئییلدی” درمانی قات
“هله هر شئی قارشیدادی” بویاسینا
“گنج سن، گؤزل سن” فیرچاسییلا
آستاجا ساچلاریما چک
اوستا اول، چیچک،
ده‌ییش منی!
یک پاسخ
ربیقه خانیم اللرینیزه ساغلیق گؤزل ایفا ائدیب سینیز چوخ دویغولو داها شعیرلرینیزی گؤزله ییریک