الینده قالمیشام!..
اسماعیل اولکر
اوقیانوس آشدی هاممی من،
اورمو گؤلونده قالمیشام!
گول بیچیلیر، چمن-چمن،
یارین گولونده قالمیشام!
افلاطونلار، ناچار-ناچار…
باغلی قاپی آچار، کئچر
سقراط زهر جامین ایچر
منسه،الینده قالمیشام!
ایل اوسته ایلدی دئوریلیر!
باغیر، کؤز اوسته قوورولور!
ساچ می؟ سامانجا سوورولور!
یارین تئلینده قالمیشام!
نه‌یسه باریم، گلین درین!
دینجه‌له‌ییم سرین-سرین!
اسماعیل اولسام «اولکر»ین
واللاه الینده قالمیشام!..
