من سنی سئومه‌دیم کی!
ع. یالچین
هارادان دوشدون کؤنلومه
من سنی سئومه‌دیم کی!
قوندون اغلیما، دیلیمه
من سنی سئومه‌دیم کی!
ساچیندا اله قیسقاندیم
کوله‌یه، یئله قیسقاندیم
یاخاندا گوله قیسقاندیم
من سنی سئومه‌دیم کی!
گؤزونده دالغالانیرام
اودوندا آلیشیب یانیرام
نییه دوشونوب آنیرام
من سنی سئومه‌دیم کی!
آری تک قونسام اوستونه
قورغو قورسام گر قصدینه
غورره‌لنمه سن شسدینه
من سنی سئومه‌دیم کی!
قاش آتیب بئله گولمه‌سن
ملک سن، حوری سن، نه سن؟
مندن خبرسیز گلمه سن
من سنی سئومه دیم کی!
۳۰/۰۱/۹۵
