بیز ده اینانیردیق!
اسماعیل خرمی
گونون چاتلاق- چاتلاق تئلیندن
بولودلار یووارلانیردیلار؛
گوندوز هله دوغولموردو بیزیم ائولرده.
دامارلاری شیشمیش گئجه‌لر-
آیاق توتوب یئرییردی قاپیمیزدا.
تریبونلار ایشه دوشوردولر؛
آفیش‌لرین پاریلتیسی
توخونوردو معصوم باخیشلارا.
اوزون بوی گئجه‌نین قورشاغیندا
هرکس اؤز ناغیلی‌نین رسمینی چکیردی،
بیز-
بیزده اینانیردیق.
اینانمایان خائین،
اینانمایان بئیین یوخسولو سانیلیردی.
آفیش‌لر آغیز آچیب اودوردو گؤزوموزو؛
اللریمیزین اوره‌ک بویالی ناخیشلارینی
یالانلارلا کیرله‌دیردیلر.
هر آدام نردوانین بیر پیلله‌سی؛
یوللاری گؤرمه‌دن سپیردیک
قارانلیغین گؤبه‌یینده بیتن
زهرلی گؤبه‌لکرین قوجاغینا.
گوندوز حسرتینده ایکن
بارماقلاریمیزدان زهرلنیردی ایچیمیز.
یک پاسخ
قیسا شعیرلر
سنسیزلیک
ببرکندیر اولوب
بوغازیمیزدان آسیلدی.
هارادا باغیردیق سنی
دار آغاجی
بیتدی اوردا.
۲
منی قورخودان
اوء لوم دئییل
قورخورام پئشمان اولا
گلمیه.
۳
یومدوم
گوءزلریمی داها
بویوللارا باخاسی دئیلم من
بویوللاردان
داها آجیغیم گلیر
بویوللار سنی گتیره ن دئیل .
۴
سونونجو یارپاغین دوشمه سی
آنلاتدی منه:
شاختا -بوران
یولدادیر هله.
۵
نه قیشیم
قیش اولدو منیم
نه ده یازیم یاز
گل اوءزالین له سن
بختیمی قارا یاز.
۶
آغلاماق
حیات مسله ییم منیم
گلنده
بیرفینجان گولوش گتیر
چایا چیخیم باری.
۷
هچ اینانمازدیم
اللرین بوقدر
سویوق اولار.
چک الینی
اللریم دن
اوره ییم دونارایندی.
حسین مصری