رقیه کبیری‌نین حکایه‌سی بیرینجی یئری قازاندی!
یاییلان خبرلر اساسیندا تانینمیش شاعره و یازیچیمیز رقیه خانیم کبیری باکی شهرینده “آزادلیق” سایتی‌نین کئچیرتدیگی ملی شعر، حکایه و رمان مسابقه‌سینده بیرینجی یئری قازانمیشدیر. رقیه خانیم کبیری بو مسابقه‌ده اؤز ” ماوایل” آدلی حکایه‌سیله اشتراک ائتمیشدیر.
مسابقه‌نین غالبلرینی تعیین ائتمه پروسسی ایکی مرحله اولموش، بیرینجی مرحله‌ده ۱۰ نفر سایتین منصف‌لر هئیتی واسطه‌سیله سئچیلیب، سونرا فاینال سویه‌یه قالخان کس‌لر، اینترنتی سس وئرمه یولو ایله رتبه‌لشدیریلمیشلر.
“ایشیق” سایتی آدیندان حؤرمتلی رقیه خانیم کبیری‌نی بو غالبیت مناسبتیله تبریک دئییر، اونا داهادا یارادیجیلیق اوغورلاری آرزولاییریق.
11 پاسخ
siza basharilar rugaya xanim kabiri.duqurdan sevindirdiz bizi.
تبریک لر…
تبریک ائدیرم سیز بیرینجی اولماغا لایق سیز
. همیشه سیزه فخر ائله میشیخ ایندی ده فخر ائدیریخ بوندان دا بئله فخر ائده جیک
حورمتلی دوستلار ! تشکور لر. بو اوغور یالنیز منیم یوخ، بلکه نثر ادبیاتیمزا عائید بیر اوغوردور. حیکایه می اوخویان سئوگیلی دوستلاریما و ایشیق سایت نین مودورلرینه بیر داها تشکورلریمی بیلدیریریم.
دیرلی شاعیر و یازاریمیز رقیه خانیم کبیری نین یاریشدا بیرینجی یئری الده ائتدیینی بوتون آذربایجان خالقینا و خانیم کبیری یه تبریک دئییرم .یارادیجیلیق یوللاریندا داها دا باشاریلی اولسون. / تهران ۱۷- ۳-۹۱–/ ائل اوغلو
حؤرمتلی رقیه خانیم کبیری بو غالبیت مناسبتیله سیزه تبریک دئییب، و داهادا یارادیجیلیق اوغورلاری آرزولاییرام
تبریکلر، و قلمینیزه ساغلیق سایین روقیه خانیم کبیری. باشیمیزی اوجالتدینیز، باشیز اوجا اولسون!
بو اوغورو رقیه خانیم کبیری یه تبریک دئییرم. نه یاخشی کی ایشیق سایتی بو حئکایه نی بیر داها بورادا منتشر ائتسین.
سلام .
تبریک ائلیمیزه و رقیه باجیما. یاشاسین.
منده اوزلویومده بو فخری کسب ائتدیینیزه گوره سیزه تبریک دئییب ؛ گله جک ده نائلیت لر قازانماغینیزی دا آرزو ائدیرم .
سلام/ رقیه خانیم کبیرى یه بیرینجیلییى تبریک دئییب، گله جک ده داها بؤیوک باشاریلارا ال تاپماسینی آرز ائدیرم.