سنی تورپاق منه اونوتدورانماز!
اسماعیل اولکر

سن، عاشیق “اولکر”ین ازل اؤزدَشی
او سنسیز یاتانماز، سنسیز اویانماز!
سن منیم روح، تنیم، حیسسیمین بئشی
سنی تورپاق منه اونوتدورانماز!
سن کی قوندو – کؤچر بولبول دئییلسن!
سن کی آچدی–سولار بیر گول دئییلسن!
سن کاغاذ یولداشی بیر قول دئییلسن!
سنی تورپاق منه اونوتدورانماز!
معصومکن نه بویدا گوناه یاشادیق!
شیطانا چکدیریب مین آه یاشادیق!
انسان اوغلو ایکن آللاه یاشادیق!
سنی تورپاق منه اونوتدورانماز!
حیات، دوزاقلارین بیر – بیر قورسا دا
اؤلوم باشیم اوسته قنیم دورسا دا
منی تورپاق سنه اونوتدورسا دا
سنی تورپاق منه اونوتدورانماز!..