گئتدین
حیدر عبادی(دارانلی)
مهندس مجید حسینی‌نین آجیناجاقلی اؤلومونه
گئتدین
یوللاردا بیر باخیش ایزین قالدی
سوسدون – سوکوت ائتدین
دیللرده میصرع – میصرع سؤزون قالدی.
سندن قالان خاطیره‌لره گؤز یاشی سپیرم،
یام یاشیل خاطیره.
گئتدین
بو گون
سازلار سنی قملی چالیر
تئللرینی حزین- حزین داراییر
سنی آختاریر ، سنی آراییر.
گئتدین
بو گون سنینله چیخیش ائدیر شاعیرلر
سنین دیلیندن اوخونور شعیرلر
و کؤکله‌نیر سازلار سنین ایچون.
گئتدین…
یوخ گئتمه دین کی،
سن
سوکوت ائتدین ابدی!
