قیز باغلادی پنجره‌نی
گونش مئساِژی آلدی
لیریکالار، قانلار قیش خییاوانینا آخدی

قیز هر گئجه بیر زنجیر ووردو قولوما
سونرا “اللرینی نییه آچیب منی قوجاقلامیرسان” سوردو
جاواب هر نه اولسایدی
اللریمده‌کی زنجیر دئییلدی
سن منی قوجاقلا دئدیم
گونش سؤزلوکده بیر سیرا کلمه‌لرین آنلامینی آختارماغا دؤندو
بیر اسیر
قوجاقلاندی سئوگیلیسی قوجاغیندا
قارا لیریکالار گئجه‌نین آرخیندا آخیردی
و عالیجناب پادشاهیمیز سؤز وئرمیشدی دنیزلر بیر دامجی اولسون بئله اسیکلمه‌یه‌جک
قزئته‌لر یالنیز بیر بالاجا سانسور ائده‌جه‌یدیلر
بالیقلارین اؤلومونو