sabahiodulu
“صباحي” ايلليك اؤيكو اؤدولو
(بيرينجي ايل-1392)

 ایمیل واسطه‌سیله الیمیزه چاتان بیر خبره اساسن, اونودولماز آذربایجان یازیچیسی اوستاد گنجعلی صباحی آدینا, بو ایل حیکایه اوزره ادبی یاریشما کئچیریله‌جک. یاریشمانین آپاریجیلارینین آدلاری هله تام آیدینلاشماییبدیر, آنجاق بیزیم (ایشیق سایتی‌نین) موضوع‌ایله‌ ماراقلانمامیز و خبری گؤنده‌‌رن دوستلاردان اطرافلی معلومات ایسته‌مه‌ییمیز بئله جاوابلاندی:

  • صباحي اؤدولو ياريشماسي‌نين اجرايي هيئتي هله کامل صورتده معین‌لشمه‌ییبدیر، آنجاق بو هئیتین ایکی عضوی “ابوذر جعفري” و “آتاباي تيكان تپه‌لي”دیرلر.
  • اؤدول: بير ميليون تومن (هيئت ژوري طرفيندن بيرينجي و ان ياخشي اؤيكو اوچون)
  • (ايلك اون اؤيكو اوچون ياديگارليق هديه و تقدير لؤوحه سي وئريله‌جك.)
  • اثرلرين گؤندرمه مؤهلتي:  31 شهريور 1392
  • ياريشمانين سونوجو اعلان ائديلن گون:  1 آذر 1392
  • اثرلر آذربايجان توركجه‌سينده و عرب اليفباسيندا يازيلمالي دير.
  • هر يازيچي بير اثر گؤندره بيلر.
  • اثرلرين ايندي‌يه‌دك باشقا يئرده (كيتاب، درگي، سايت) چاپ اولونماماسي گركلي دير.
  • حيكايه لر word دا تايپ اولونوب، بو آدرسه گؤندریلمه‌لي‌دير:  sabahi.odulu@gmail.com
  • اثرله بيرليكده اؤزونوزدن بير قيسا بيوگرافي گؤندرين.(شكيلينيز، تيلفون نومره‌نيز اونوتولماسين)
  • ايلك اون حيكايه بير كتابدا چاپ اولونوب ياييلاجاق.
  • یاریشمانین خبرلری بو عنواندا یاییلماقدادیر: http://sabahiodulu.blogfa.com

 

“صباحي” اؤيكو اؤدولونون اجرايي هيئتي