«فارص کاتیب‌اوغلو» حیات‌لا وداعلاشدی

یاییلان خبر اساسیندا، اورمونون تانینمیش اجتماعی شخصیتی و شاعری «دده کاتیب»ین اوغلو شاعر «فارص طيار قولونجو(كاتيب اوغلو) اسفند آیی‌نین 23-نجی گونو خرچنگ خسته‌لیگی سببیندن حیات‌لا وداعلاشمیشدیر.
«فارص طيار قولونجو(كاتيب اوغلو) 1343-جی ایل اورمونون «انزل» ماحالی‌نین «قولونجو» کندینده دونیایا گؤز آچیر، بویا باشا چاتدیقدا اؤز آتاسی «دده کاتیب»ین تعلیم تربیه‌سی ایله آذربایجان ادبیاتی خصوصیله‌ده شفاهی خالق ادبیاتی و عاشیق شعرلری ایله تانیش اولور و اؤز آنا دیلی و دوغما ادبیاتینا علاقه بسله‌ییر. تحصیلینی اقتصاد رشته‌سینده دیپلمه قده‌ر داوام ائتدیریر و 1388-جی ایلده آذربایجان جمهوریسینده تورک ادبیاتی اوزره لیسانس و 1393-نجی ایلده یوکسک لیسانس آلیر.
فارص کاتیب‌اوغلو 1359-نجی ایلدن شعر یازماغینا رغمن، آتاسی «دده کاتیب» قید حیاتدا اولانا کیمی اؤز اثرلرینی نشر ائتدیرمکدن چکینیر. آتاسی‌نین وفاتیندان سونرا اثرلرینین بیر حصه‌سینی «کؤنولدن دیله» عنوانی آلتیندا نشر ائتدیریر.
فارص کاتیب‌اوغلونون شعرلری آذربایجان عاشیقلاری طرفیندن صمیمیتله قارشیلانیب و اونون بیر چوخ شعرلری عاشیقلار طرفیندن ایفا اولونوبدور.
«ایشیق» – آذربایجان ادبیات و اینجه صنعت سایتی امکداشلاری آدیندان «فارص کاتیب‌اوغلو»نون ایتگیسینی اونون مؤحترم عائله‌سینه، قوهوم- اقرباسینا و ادبی جمعیتیمیزه تسلیت دئییر و خاطره‌سینی عزیزله‌ییریک.

«ایشیق» – آذربایجان ادبیات و اینجه صنعت سایتی
24/12/1398

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

ایشیق درگیسی، سایی 1
ایشیق درگیسی، سایی 2
ایشیق درگیسی، سایی 3
ایشیق درگیسی، سایی 4