«غفور امامی‌زاده خیاوی»‌نین ایکینجی حئکایه توپلوسو یاییلدی

تانینمیش آذربایجان یازیچیسی «غفور امامی‌زاده خیاوی»‌نین ایکینجی حئکایه توپلوسو نشر ائدیلدی. سکگیز حئکایه‌‌نین یئر آلدیغی ۱۰۹ صحیفه‌لیک بو توپلو «سوموک‌لری قالمیشدی» عنوانی آلتیندا یاییلمیشدیر. ۲۰۱۶جی ایلده اولوسلار آراسی کاشغرلی حئکایه یاریشماسیندا بیرینجی‌لیگی الده ائدن «قیرمیزیم» حئکایه‌سی ایله منتقدلرین دقتینی چکن یازیچی‌نین بیرینجی حئکایه توپلوسو ۲۰۱۷جی ایلده نشر ائدیلمیشدیر.
«نظامی‌یایین ائوی» طرفیندن یاییلان بو حئکایه توپلوسونو آذربایجانین معتبر کتاب ماغازالاریندان الده ائتمک مومکوندور.

ساتیش مرکزلری:
مشکین‌شهر: دنیز
تبریز: اختر
تهران: اندیشه نو
اردبیل: شریعتی، منصور جدی و بهروز.