girgi
قیرقی‌لار
بهروز دولت‌آبادی(چای اوغلو)

دان یئری آچیب، آچمادان

قوشلار یووادان اوچمادان

خبرگتیردی قارقالار:

–          هجوما دولوب قیرقی‌لار

قوشلار آییق اولمالیسیز،

بیرلیکده سیز اوچمالیسیز!

×××

سایمیر بو سئرچه‌دی، قازدی

تولکو کیمی‌کلک‌بازدی

هر نه شیغیر دئییر آزدی

یئنی اجلاس قورمالیسیز

بیرلیکده سیز اوچمالیسیز!

×××

آیریلاسیز بیر- بیریزدن

بیر ایش گلمز الینیزدن

بیرلیک سیزدن، یاردیم بیزدن

چوخلو گؤزلر اویاجاییق

قیصاسیزی آلاجاییق …