چیلله گئجه‌سی
پیریکلی آرتان

چیلله گئجه‌سی گَلیر
کوله‌یین سسی گَلیر
ایلین اوزون گئجه‌سی
نار- قارپوزون گئجه‌سی
ائشیک سویوقدو، کولک
بیز ایستی- ایستی گولک
گینه کورسونو قوراق
دؤیره‌سینده اوتوراق
یییک نارین قارپوزون
سوواق قیشین قار، بوزون
بالالار قورقا یئسین
بال ننه ناغیل دئسین
قولاق آساق ناغیلا
قارانلیق‌لار داغیلا
اوزون گئجه قوتارسین
ایشیقلار باغرین یارسین
گون چیخسین گوندوز اولسون
یوللاریمیز دوز اولسون
قاری، بوزو اریدک
دوز یازا ساری گئدک