گؤزو یوللاردایام سن سیز…
نیما یوشیج – چئویرن| علی جوادپور

گؤزو یوللاردایام سن اوچون
آخشاملار
قارالدیقجا آغاجلاردا
بوداقلار کؤلگه‌سی بیر-بیر
آلار غملر
سنه سئودالی‌لار کؤنلون
گؤزو یوللاردایام سن اوچون.

آخشاملار
او واختلارکی؛
دره‌لر یئرلرینده سانکی بیر اؤلموش-
ایلانلاردیرکی یاتمیشلار؛
ائله بیر واخت کی؛ نیلوفر-
ساریلار بوینونا سروین،
منی سن یاد ائدرسن، یا کی ائتمزسن،
آزالتماز یادینی کؤنلوم؛
گؤزو یوللاردایام سن اوچون.