چئویرن: ایشیق
ترجمه: ایشیق
ایشیق

ansar qaradagli
بو داغ‌لار!
انصار قره‌داغی

چال آشیق، چال سازینی، گؤر نه کرَمسیزدی بو داغ‌لار
اصلی‌دن سؤیله له‌لم سن، مریم سیزدی بو داغ‌لار
خان چوبان بَی نئجه دورسون، ساراسین سئلدن آلان یوخ
ده‌لی اوغلانلارا قی وور، دئ، آدامسیزدی بو داغ‌لار
ائل‌لره بول یارا وورموش یالی خانلار، قارا سئل‌لر
زَهَر ایچمیش او موغان دلبری؛ جامسیزدی بو داغ‌لار
چالمالی قیز ـ گلینین عشقینی روزگار اؤزو چالمیش
توی‌لارین دم به دمی، دلغمی؛ جمسیزدی بو داغ‌لار
اوبالار سئوگیلیسی سئوگیله‌نیر سئل‌لره سس ـ سس
دَردی دئش دَردین آلیم، دَرددی ؛ وَره‌مسیزدی بو داغ‌لار
سینه لردن سوروش، هر قانلی قیلینجدا یارامیز وار
باخسان هر بیر واراغا آمما پیامسیزدی بو داغ‌لار
چال آشیق، چال سازی بیگانه‌لرین قلبینه ده‌یمه
کیمسه‌لر بیلمه‌یه‌جک کیملیدی، کیمسیزدی بو داغ‌لار
ناغیلین چؤللره سپمیش کی گؤیرسین قوجا یولچو
سانماسین کیمسه ناغیل قوشمادا چمسیزدی بو داغ‌لار
تئل‌لره، پرده‌لره قوی گؤز اولان اولسادا اولسون
چؤل چیراقدان پایین آلمیش، هله شاَمسیزدی بو داغ‌لار
بایاتی یئرلی پوزولموش ننه‌لر نغمه‌لرینده
خلق دئییر بس قارا دؤوراندا یئتیمسیزدی بو داغ‌لار
آغلایاندا قارا گؤزلر خان آرازدان گؤز آلارلار
سوت امن‌لر، سویا آند اولسون حارامسیزدی بو داغ‌لار
بو اوجاق نغمه‌لرینده دیلیمین دفتری سؤنموش
اود آچا، ماهنی یازا بیرده ؛ قلمسیزدی بو داغ‌لار
ساوالانلار هاوالانمیشدی یانیق بیر کرَمینده
شاختا دوشدو، هاوا دؤندو!… نه قدَمسیزدی بو داغ‌لار
خزرین رنگی سولوب، قافقاز اؤزو قافیه‌سیزدیر
آرانین تار ـ قاوالی بولسادا، دمسیزدی بو داغ‌لار
آل چلنگ ائت بو یاوان شعرلری «انصار» ائله گؤنده‌ر
قوی دئسینلر کی باهار گونلری غمسیزدی بو داغ‌لار
۱۳۹۳/۴/۱۵

چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

بو داغ‌لار! / انصار قره‌داغی

ایشیق
www.ishiq.net

آذربایجان ادبیات و اینجه‌صنعت سایتی

بو داغ‌لار! / انصار قره‌داغی

ایشیق
www.ishiq.net

آذربایجان ادبیات و اینجه‌صنعت سایتی

بو داغ‌لار! / انصار قره‌داغی

ایشیق
www.ishiq.net

آذربایجان ادبیات و اینجه‌صنعت سایتی