چئویرن: ایشیق
ترجمه: ایشیق
ایشیق

ایستک
احمد درگاهی

تک ایسته‌ییم بودور تانریم:
بیر سونسوز یوخویا یاتیم،
آز آغری‌یلا، هاساند اؤلوم؛
بودونیانین داشین آتیم.

آزماییم سن دئین یولو،
اینجیتمه‌ییم هئچ بیر قولو؛
حیات سوروم جانی سولو،
تورپاغا سو کیمی باتیم.

لوطفون ائله اؤزل گئدیم،
گؤزل یاشات، گؤزل گئدیم؛
سئوگیلیمدن ازل گئدیم
سون منزیله، بئله چاتیم.

اؤنومده وار بیر سرت قایا،
توتوقلاندیم آخا _ وایا؛
بو دونیامی او دونیایا-
اؤزون ایسته اوجوز ساتیم.

قویما ال _ آیاغیم اسه،
زولانماییم سون نفسه؛
یوک اولماییم هئچ بیر کسه،
اؤز یوکومو اؤزوم چاتیم.

چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

ایستک / احمد درگاهی

ایشیق
www.ishiq.net

آذربایجان ادبیات و اینجه‌صنعت سایتی

ایستک / احمد درگاهی

ایشیق
www.ishiq.net

آذربایجان ادبیات و اینجه‌صنعت سایتی

ایستک / احمد درگاهی

ایشیق
www.ishiq.net

آذربایجان ادبیات و اینجه‌صنعت سایتی