Home / شعر / چرشنبه دی آتیل ماتیل جان گلیر/ رامین جهانگیرزاده

چرشنبه دی آتیل ماتیل جان گلیر/ رامین جهانگیرزاده

چرشنبه دی آتیل ماتیل جان گلیر
رامین جهانگیرزاده

اودون ییغیب، قالایاریق یاندیرریق،
قانادلانار قوشلار تکین اوچار اود.
گلیب گئدن سویوق یئله قاندیرریق ،
آی نه گؤزل بختیمیزی آچار اود!

دالبادالا دایاناریق دوزوللوک،
قاتار- قاتار دوزوله‌ریک، سوزوللوک،
آتیلاریق اود اوستوندن اوزوللوک،
قانادلانار قوشلار تکین اوچار اود
آی نه گؤزل بختیمیزی آچار اود!

بختیمیزدن کدر آلار، غم آلار،
ایستی‌لییی ایچیمیزه تئز دولار،
یامان گونون عؤمرو کئچر، آزالار،
قانادلانار قوشلار تکین اوچار اود
آی نه گؤزل بختیمیزی آچار اود!

اوزوموزه‌ گلن ایله گل! دئیرف
قاپیمیزی باهار گلیب تاق دؤیر،
بوز آدامی‌آجیغیندان هئی سؤیر،
قانادلانار قوشلار تکین اوچار اود
آی نه گؤزل بختیمیزی آچار اود!

چرشنبه‌دی آتیل ماتیل جان گلر،
آغاجلارین دامارینا قان گلر،
بختیمیزی دییه‌سن آچان گلر،
قانادلانار قوشلار تکین اوچار اود
آی نه گؤزل بختیمیزی آچار اود!

About ایشیق

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *