سنسیزلیک‌لر(۲۴)
مجتبی نهانی

(۱)
یئنه سورگون دوشموشم
ائلیمی اله سالانلار وادی‌سینه
گوزگولر وار هر یئرده
باخیشلاریندا
دیلیمی چکیب آپاریرلار
دؤیوب گتیریرلر
آه! یئنه سورگون دوشموشم

(۲)
یوموشاتمایا چالیشمیرام
اوره‌یینی
یاغیشلی پنجره‌لردن
گلیر سسیم
ائشیدیرسن
گؤزلریندن آنلاییرام
گئجه-گونوز
فیکریمده کی گوزگویه باخاراق…

(۳)
تانیش بیر داغ
ایچیمده یوخ اولوب
دنیزلر  وار، گؤیلر قاچیرلار-
یئر کوره سیندن
سنسیز گونلریمده
اللرین‌سیز
گؤزلرین‌سیز
قوجاغین‌سیز
دونیا ییخیلماقدا
لاپ قار-قیامت‌دیر
سنسیزلیک

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

ایشیق درگیسی، سایی 1
ایشیق درگیسی، سایی 2
ایشیق درگیسی، سایی 3
ایشیق درگیسی، سایی 4