nahani_2
سنسیزلیک‌لر(۱۶)
مجتبی نهانی

(۱)
گؤوده‌سیز بیر حیاتدان دوشدوم
سنسیزلیک-
بوینومون بورجو ایدی
وئردیم هر نه‌ایمی
دؤندوم باخدیم اؤزومه
تکجه کؤلگه‌م قالمیشدی
دانیشیردی، سوسوردو
سوسوردو، دانیشیردی
سنی دوشونمک خیال اولموشدو
بیرده بو سنسیزلیک اولماسایدی…

(۲)
شرابینا مؤحتاج-
بو دیل، بو دوداق
سئوداسیزام-
باخیشلارین اولماسا
تؤک،
یاریم قالسین
دوغولمامیش کدرلریم

(۳)
ایستی‌دن دیر
یا سنین قوجاقسیزلیغیندان
قان-تر ایچینده‌یم-
داریخمالاریملا…

(۴)
اوزاقدان، یاخینا گلدییی
یاخیندان، اوزاغا گئتدییی
بیر یول باشلاییر
اوره‌ییمده
سنسیز

(۵)
سویوقلوق ائله‌ییر-
بعضن دویغولاریم
نوبات چایی دئمیشدی سئوگیلیم
آما سانجیلانمیش اوره‌ییمه
چاره وئرمیر بو بولانمیش سؤزلرینیز

(۶)
بولودلار،
دانیشماغا گلیر ائویمیزه
نه سن وارسان، نه من
بوشلوغوموز آغلاییر هله‌ده

(۷)
قوشلار قونوبلار-
قارا سس‌سیز‌لیییمه
درین و یاش-
کؤلگه‌لریمه

یک پاسخ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

ایشیق درگیسی، سایی 1
ایشیق درگیسی، سایی 2
ایشیق درگیسی، سایی 3
ایشیق درگیسی، سایی 4