Home / شعر / سنسیزلیک‌لر(۱۵) / مجتبی نهانی

سنسیزلیک‌لر(۱۵) / مجتبی نهانی

nahani_2
سنسیزلیک‌لر(۱۵)
مجتبی نهانی

(۱)
قان‌سیز بیر دمیر یولو
عینادینا بوراخمیر-
سنه چاتماغیمی…
باشلانمیشام،
بوتون بیتمه‌ین یوللاردان
سن، بیر قاتارسان
اوره‌ییمدن
ایشیق سورعتی‌له
اوزاقلاشیرسان
آما هر دوراقدا من اولاجاغام
اونودما!

(۲)
دلی خانالاردا تاپمادین کی منی
گؤزونون قاباغیندا
آغیللی-آغیللی اریدیم.

(۳)
باشیمدان آشدی
بوتون ایل‌لرین-
قالانمیش قارلاری
سیلکه‌له‌مه‌یه بیله زامان یوخودو
باتماق بؤیوک بیر اردم-
گلیردی فیکریمه
ائله سنسیز
ائله چاره‌سیز.

(۴)
بیر صبیر یاغسا اوره‌ییمه
بلکه سؤز کئچیردرم اونا
آما آمان وئرمیر کی گؤزلرین
هئی باخیر
هئی یاخیر….

(۵)
چای سیز گونلریمه-
قوناق اولوبسان
گئجه م شیرینله شیر،
شعر قوخان آغزیندا.

About ایشیق

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *