آچار – قیفیل
حبیب یزدانی

مشدی حسن ده بیزه فیلم اوینادی
دؤرد ایلی قورتاردی آچار گلمه‌دی
مطباخی قیفل ائیله‌دی آشپز باشی
اؤلدوک آجیندان دا ناهار گلمه‌دی
من فاغیرا گلدی فیشار آی آقا
سن رئییسه یوخسا فشار گلمه‌دی
فصلی سویوشدو ولی کور ماحمودون
ائولرینه نوبر انار گلمه‌دی
قیرخ ایل اولار گؤزلریمیز یول چکیر
اردبیله ریل قطار گلمه‌دی
اؤزگه قیزی چیخدی «آیا»، «مریخه»
بیزده کی اوغلانه چیخار گلمه‌دی
دونیا «دار » اولدی قوزو بیچاره‌یه
قورد اولان انسانه کی دار گلمه‌دی
قیش قالاجاق بوردا چپیش گؤزله‌مه
گئت اؤل آجیندان کی باهار گلمه‌دی
یئر ده نفسلندی بخارلانمادان
بیزلره نینیم کی بخار گلمه‌دی