چئویرن: بؤیوک‌آغا افندی
ترجمه: بؤیوک‌آغا افندی
بؤیوک‌آغا افندی

– سلام جئیران ‌باجی! بازاردان گلیسن؟ نه تئز قاییتدین؟ هله ساعات اون بیر اولمویوب، نه آلمیسان؟
– سلام، باجین اؤلسون باجی! بیزیم کیشی‌لریمیز کیشی دئییل‌لرکی. د‌ده‌م یاندی، قول‌دان دوشدوم. تون‌به‌تین‌ـین اوغلو دئیه‌سن ات یئمه‌سه عملی آشماز! بیرآز ات‌دن، قیویر- زیویردان آلمیشام؛ سن هارا؟
– بازارا گئدیردیم، ات آلاجاغام. آللاه‌دان گیزلین دئییل سندن نه گیزلین؛ بیز ار- آرواد گونده بئش کیلو ات یئمه‌ساخ دولانانماریق. بیزیم کیشی ات‌سیز خؤره‌یه اصلاً دیلینده وورماز.
– سن اونو دئییسن…! کیشی‌لرین تیفاغی داغیلسین. او بیرزاد دئییل کی. بیزیم کیشی هرگون تک‌جانینا بئش کیلو اتی ائله صوبحانیه بیر یئرده یی‌یر، دورار آیاغا.
– سن اونو دئییسن…! آی جئیران باجی او نمنه‌دیر کی، بیزیم قردش‌گیل بیر آزدا اوشاقلی‌دیلار، گونده ناهار بیر قویون کسمه‌سه‌لر ائولرینده قان سو یئرینه آخار.
– سن اونو دئییسن…! جاوان جانیوا آند اولسون، بیزیم غلامحسین هرگون ساعات دؤردده گئده‌ر ساللاخ‌خانیه بیر جانلی بیزوو کسدیریب، گتیرر ائوه؛ کلّه‌پاچاسین صوبحانیه، قالانیندا ناهاراجا یاوان-‌یاوان اوجاق اوسته یی‌ییب، دورارلار آیاغا. اوغلانلارینین پئیسری ائله‌بیل مال پئیسری‌دیر. اویان بویانا دؤنمز.
– سن اونو دئییسن…! رحمت‌لیغین قیزی خبرین یوخدور؛ بیزیم یوسوف‌گیل‌دن دئسم اینانماسان. یالان دییه‌نین ائوی ییخیلسین؛ بالالاری اؤلسون. دونن سحر یئکه بیر اینک کسمیشدیلر، ناهار چاغی ائولرینده ات اوسته داوایدی. خارابادا بیر پونزا ات تاپیلمیردی گؤزه سوتماغا. ائوی ییخیلمامیش‌لار ائله‌بیل اؤژدورلر.
– سن اونو دئییسن…! یازیق گؤرمه‌میسن کی یالان دیسم بئله سحره چیخمی‌ییم؛ اوچ بالامین جانینا آند اولسون؛ بو اؤلو اوزومه باخاسان؛ بیزیم زولئیخاگیل گونده ناهارا بیر ده‌وه، شاما بیر ده‌وه، ناهارا بیر ده‌وه شام بیر ده‌وه. دیی‌ییرم قارینیز شیشسین بیر بئله اتی نجور یی‌ییرسیز آخی؟
– سن اونو دئییسن…! کاش بیر دفعه یولون دوشه بیزیم رجب‌گیله، گؤره‌سن یئماخ نه‌جور اولار. باخما ها اونون بیر قاریش بویونا! یالان دئسم ایکی گؤزوم کور اولسون. سنین جانیوا، بالالاریمین جانینا، بالالاریوین جانینا، جاوان قارداشیمین جانینا، جاوان قارداشیوین جانینا آند اولسون، دیلیم لال اولسون ایه بیر کلمه یالان دئسم؛ نفر حئسابی هرگون آداما صوبحانیه ده‌وه، ناهارا ده‌وه، شاما ده‌وه یئمه‌سه‌لر او گون آخشام اولماز. تون‌به‌تین‌‌ین قیزینا دی‌ییرم آخی نه خبریزدی؟ بیر بئله ده‌وه یی‌یرلر؟ ده‌وه یئماخدان اؤزوزده ده‌وه اولموسوز. اودا دی‌ییر قرده‌شیوه دئ با، بیر گون ده‌وه پیشیرمه‌سم منی بوشار. باغیشلا جئیران باجی بیر آز تر-تلسیک اولدو. ایجازه وئرسن گئدیم ایندی کیشی ایشدن، اوشاخلار مدرسه‌دن گلرلر. اه، کیشی‌لرین آتاسینا لعنت. قویمازلارکی آدام ایکی کلمه دانیشسین. سن ده کی همیشه آدامین سؤزون یاری- یاریمچیلیخ قویارسان….

چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

سن اونو دئییسن …!

بؤیوک‌آغا افندی
www.ishiq.net

آذربایجان ادبیات و اینجه‌صنعت سایتی

سن اونو دئییسن …!

بؤیوک‌آغا افندی
www.ishiq.net

آذربایجان ادبیات و اینجه‌صنعت سایتی

سن اونو دئییسن …!

بؤیوک‌آغا افندی
www.ishiq.net

آذربایجان ادبیات و اینجه‌صنعت سایتی