یوخوسوزلوق(حئکایه‌جیک) / ویرخیلیو پینی ییرا – چئویرن: سیدرضا حسینی مرند

یوخوسوزلوق(حئکایه‌جیک)
ویرخیلیو پینی ییرا – چئویرن: سیدرضا حسینی مرند

کیشی یاتاغا تئز گیریرسه‌ده، یوخوسو توتمادی. دیغیرلانیب، مله‌فه‌لری قیراغا آتدی. بیر سیقار آلیشدیردی. بیر آز کیتاب اوخودو. بیر داها چیراغی سؤندوردو. آمما یاتا بیلمه‌ییر. سحر ساعات ۳‌ده قونشونون قاپیسینی دؤیور. دردله‌شیب، یاتا بیلمه‌مه‌یینی سؤیله‌ییر. یاردیم ایسته‌ییر. قونشو یورقون دوشسون دئیه، کوچه‌لرده آدیملاماسینی، سونرا بیر دَمله‌مه‌لی ایچیب، چیراقلاری سؤندورمه‌سینی اؤنه‌ریر. بو ایشلری تام گؤره‌رک، یئنه یوخوسو توتماییر. بو دؤنه دؤهتوروه گئدیر. دؤهتور‌ایسه روتین سؤزلردن دانیشیب، آنجاق یئنه یاتا بیلمه‌ییر. سحر ساعات ۶‌دا بیر تاپانچانی دولدوروب بئینینی داغیلدیر. کیشی اولور‌سه‌ده یئنه اونو یوخو توتماییب. یوخوسوزلوق چوخ سورتوک بیر شئیدیر.
ایضاح: بو مینیمال حئکایه‌نی فارس دیلینه اسداله امرایی چئویریبدی.

Check Also

یوخو / نجیب محفوظ – روسجادان چئویرن: خاطره نورگول

یوخو نجیب محفوظ – روسجادان چئویرن: خاطره نورگول بو بویدا توزلو-تورپاقلی حَیَطده جمعی بیرجه پالما ...

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *