اوخوماق زامانی: 2 دقیقه

اشتراک گذاری در facebook
اشتراک گذاری در twitter
اشتراک گذاری در whatsapp
اشتراک گذاری در telegram
اشتراک گذاری در email
چئویرن: ایشیق
ترجمه: ایشیق
ایشیق
00:00
00:00

بو یازی‌نین سس فایلی هله حاضیرلانماییبدیر. بو یازی‌نی اؤز سسینیزله اوخویوب بیزه گؤندره بیلرسینیز.

چیلله؛ تبسملو باخیشلی شاعیرین شعرینده
نگار مجدفر

“عمران صلاحی”، آذربایجان شعری‌نین یئنی نسلی‌نین بؤیوک تمثیلچی‌لریندن ساییلیردی. او 1325 – ده تهراندا، آذربایجانلی بیر عائیله‌ده آنادان اولدو و آتاسی‌نین “راه‌آهن”ده ایشله‌دیگی اوچون، اوشاقلیق یاشلاریندا بیر چوخ شهرلرده یاشادی. او، چوخ جاوان ایکن، تهرانداکی “توفیق” مجلّه‌سینه داخیل و “جوادیه اوشاغی” امضاسی‌ایله یازان شعرلری‌ایله معروف اولدو. عمران صلاحی، سونرالار مختلف شعر کیتابلاری چاپ ائتدیردی. خصوصیله اونون طنز کیتابلاری و شعرلری چوخ مشهور اولدو. صلاحی، فارس شعرینده، هم‌ده شعرین طنز بؤلومونده آدلیم اولدوقدان علاوه، تورکجه شعر یازماقدا چوخ آدلیم ایدی.

اونون تورکجه شعرلری، انقلابدان سونرا چاپ اولان مطبوعاتین بیر چوخوندا چاپ اولوندو. اوندان، 1385 –نجی ایلده قلب خسته‌لیگی عارضه‌سینده اؤلمه‌میشدن قاباق، اوچ تورکجه شعر کیتابی چاپ اولموشدور: مجموعه (دؤرد باشقا شاعیرله برابر)، پنجره‌دن داش گلیر و آیناکیمی. اونا هر بیر زامان گولر اوزلو اولدوغو اوچون، آذربایجانلی شاعیر و یازیچیلاری طرفیندن،«‌تبسملو باخیشلی شاعیر» لقبی وئریلمیشدیر.

بو گونلر امرود نشریاتی، آذربایجانلی یازیچی و محقق دکتر مرتضی مجدفر و عمران صلاحی‌نین اوغلو یاشار صلاحی‌‌نین همتی‌ایله، اونون بوتون تورکجه شعرلرین احتوا ائدن بیر کیتابی نشر ائتدیرمیشدیر. بو کیتابین آدی یارالی‌دورنا دیر. کیتاب 260 صحیفه‌ده، 5500 تومن قیمتله، چوخ گؤزل شکیلده چاپ اولونموشدور.

بو گونلر ‌چیلله گئجه‌لری‌دیر. ائله بئله قرارا گلدیک کی سایتیمیزدا بو کیتابی تانیتدیرماقلا برابر، عمران صلاحی‌نین نئچه ایل بوندان قاباق سؤیله‌دیگی “چیلله” شعرینی‌ده، یارالی دورنادان‌سیزه تقدیم ائده‌ک.

چیلله آخشامی
کورسو آلتیندا
اوتوروب هامی
یئیب‌لر شامی
اوشاقلار اوینور
یورغان اوستونده.

یورغان اوزولوب
کورسو اوستونده
چایلار دوزولوب
شیرین پارتاخال
چایلار دال با دال.

شوشه دالیندا
گؤر نه قار یاغیر.
حیه‌طیمیزده
پامبیق اکیبلر.

گؤز قاباغینا
پرده چکیبلر
هاوا، یاوادیر
یئنه یئل اسیر
قولاغی کسیر
شاختادیر – شاختا
پالتار، ایپ اوسته
گئجه اوزوندور
هاوا قارانلیق.
شوشه دالیندا
قارقا ییغیشیب.
سویوق چیلله ‌ده
دوروب پیلله‌ده
قاپینی چالیر
جانیمی آلیر
کئچن گونلری
یادیما سالیر.
آتام دایانیب
قاپی دالیندا
شوشه‌دن باخیر.
یئنه آتامین
الی دولو دور
– قاپینی آچین!
– قاپینی آچین!
قاپی آچیلیر
– هانی پس آتام!

کوره‌ک ییخیلیب
دووار دیبینه
کؤلک کئف‌لنیب
حیه‌طی گزیر
شاختا، پیچاغین
قویمور جیبینه.

شوشه دالیندا
قیشین نفسی
کورسو آلتیندا
آغلاماق سسی…

عمران صلاحی
مراغه – 30/9/1351

اشتراک گذاری در print
چاپ

2 پاسخ

  1. سلام
    ببخشید این سوال را مطرح می کنم شما با جناب آقای دکتر مرتضی مجد فر چه نسبتی دارید؟ شاید برای شما کمی تعجب آور باشد ولی برای من خیلی مهم هستید. با تشکر

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *