اوخوماق زامانی: < 1 دقیقه

اشتراک گذاری در facebook
اشتراک گذاری در twitter
اشتراک گذاری در whatsapp
اشتراک گذاری در telegram
اشتراک گذاری در email
چئویرن: عمران صلاحی
ترجمه: عمران صلاحی
عمران صلاحی
00:00
00:00

بو یازی‌نین صوتی نسخه‌سی حاضرلانماییب. بو یازی‌نی اؤز سسینیزله اوخویوب بیزه گؤندره بیلرسینیز.

 دونیادا یئمه‌یه بیر بئله شئی وار، آمما بعضی‌لری گؤرورسن کی، آدام یئییرلر. بیز ائشیتمیشدیک کی، بعضی‌لری شوشه و میخ یئییرلر و بوللور و مفتیل تحویل وئریرلر. یئنه ‌ده ائشیتمیشدیک کی، بعضی قبیله‌لرده آدامی بیشیریر و ایستی اوْت قاتیر و دوز سپیب یئییرلر.

بیر آدام یئیه‌ن، بیرینین آتاسینی یئمیشدی و اونا هئی دئییردی کی، آتانی …جه‌یم. اؤز- اؤزوموزه دئدیک کی، بو ایش‌لر کؤهنه‌لیب، بو مدنی دونیادا بئله ایش‌لر باش وئرمز. ایندی گؤروروک کی، باش وئریر. اؤزو ده نئجه. آدامجیل قبیله‌لر بو ایش‌ده قالمیش‌لار. بو دؤنه اؤنجول‌لر روس‌لار و آمریکالی‌لاردیر. روسیه‌ده بو ایش عمومون مصرفی اوچون اوز وئریب و آمریکادا ایسه شخصی مصرف اوچون. ماجرا بئله‌دیر کی:

خبر وئرمیشدیلر کی، روسیه‌ده بیر ار و آرواد اؤز قوناق‌لارینی کونسئرو ائدیب ساتیردیلار و اونون پولو ایله ایچکی آلیب ایچیردیلر. آمریکادا ایسه بیر کیشی اونون- بونون دالیسیجا دوشوب دئیرمیش: اوزونو یئییم یوخسا «جییه‌رینی‌یئییم» سونرا اوْنلاری آپاریب بیشیریب و مئیل ائدیرمیش. بیلمیرم روسیه‌ده پولیس اوْ اؤلو یئیه‌ن‌لری نئیله‌دی. آمما آمریکادا جییه‌ر یئیه‌ن کیشی‌نی توتوب زیندانا سالدیلار. بو دوستاق باشقالارینی یئمه‌سین دئیه اونو «تک نفرلیک» سیللولا سالدیلار. زیندانین گودوکچولری اونا یاخین‌لاشماقدان قورخوردولار. چونکی او آدامجیل دوستاق اونلاری گؤرن کیمی اؤز آغیز- بورنونو یالایـیردی. بیر گون گلیرلر گؤرورلر کی، او آدام اؤزونو ده ‌یئییب. خالق دئمیشکن اؤزو اؤزونو یئییب و اوندان اثر- اتر یوخدور.

اشتراک گذاری در print
چاپ

یک پاسخ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

عمران صلاحی

عمران صلاحی

باشقا اثرلری