اوخوماق زامانی: 2 دقیقه

اشتراک گذاری در facebook
اشتراک گذاری در twitter
اشتراک گذاری در whatsapp
اشتراک گذاری در telegram
اشتراک گذاری در email
چئویرن: ایشیق
ترجمه: ایشیق
ایشیق
00:00
00:00

بو یازی‌نین سس فایلی هله حاضیرلانماییبدیر. بو یازی‌نی اؤز سسینیزله اوخویوب بیزه گؤندره بیلرسینیز.


من اوشویورم…
ندا عبدی

 پالتارلاریمی قاتلاییب صاندیقچایا قویدوم. بیر هفته اوندان قاباق آتام بیزی شهره آپاریب، ورزیقانین بازاریندان من له باجیما، مدرسه پالتاری ایله باشماغی آلدی.

کیچیک باجیم بیرینجی کیلاس دا درس اوخویاجاق ایدی. من ده بئشینجی کیلاسی باشلایاجاق ایدیم.

بیر گون، ائویمیزده اوتورموشدوم. آتام باغا گئتمیش ایدی، آنام دا آشپازخانادا قاب قاشیقلاری یووردو. باجیم اوتاغین بیر بوجاغیندا یاتمیشدی. آنجاق من یوخودان تازا اویانمیشدیم. بیردن بیره، بیر اوجا سس گلدی. دووارلار تیتره دی. اوتاقدان ائشیگه قاچدیم، آنام اوجا سس له چیغیرا چیغیرا، »آللاه کؤمگیمیز اول…« دئییردی.

حیطه ساری قاچیردیق، بیردن آنام دئدی:– وای ددم وای – بس باجین هانی؟ اولمایا ائوده قالدی؟…

آنام ائوه قاییداندا، یئر بیرداها تیتره‌دی… دووارلار تؤکولدو… هر یئری توز باسدی… آتامین سسین ائشیتدیم…

یا ابالفضل دئیه دئیه ائوه ساری قاچیردی… او آن دا آنامین جان یاندیریجی سسی ده آتامین سسینه قاووشموشدو… قیزیم… بالام …

آتام باشینا چالا- چالا ییخیلمیش دام-داشی اوتای بوتایا آتیردی. باجیمین سسی گلمیردی. آتام نان قونشولارین کیشی لری باجیمی آختاریردیلار، آمما هئچ بیر سس گلمیردی… نئچه ساعات کئچندن سونرا، هلال احمر کؤمکچیلری گلدیلر… قوللارینین اوستونده قیزمیزی آی شکلی وار ایدی. کؤمک‌لشیب باجیمی تورپاقلارین آلتیندان چیخارتدیلار…

منیم کیچیک باجیم یوخودان دورمامیشدی… اونون گؤزل گؤزلری هله ده یومولویدو… ائله بیر ابدی یوخلامیشدی… آنامین سسی عرشه چاتیردی.

او گونلر، چوخ پیس گونلریدی… آنام هئچ سؤز دئمیردی. آتام الین چنه سینین آلتینا قویوب، چادیرین بیر بوجاغینا باخیردی…

او گونلر چوخ مسئوللار بیزیم کنده گلدیلر. چوخلو سؤزلر دئدی لر. بیری دئمیشدی مدرسه لر آچیلمامیش ائولر دوزه له جک… اوبیری دئمیشدی زلزله نین قیرخی چیخمامیش ائولر دوزه له جک… باشقاسی دئمیشدی هاوا سویوق اولمامیشدان قاباق ائولریییزی دوزلده جه ییک… آنجاق هر بیریسی بیر سؤز دییب، بیزی گله جه یه اومودلو ائلیردیلر…

ایندی 15 گون مدرسه لرین آچیلان گونوندن کئچیر…

کیلاس یولداشلاریمین نئچه‌سی جانین الدن وئریب دیر. بیر چادیردا درس اوخویوروق… بیزیم کندین مدرسه سی یوخدو، بیزیم ائویمیز یوخدو… بیزیم کند چوخ سویوقدی… من اوشویورم… بیزیم چادیر چوخ سویوقدی… من چوخ اوشویورم…

اشتراک گذاری در print
چاپ

4 پاسخ

  1. سلاملار
    خانبم عبدی نین تورکجه قلمی گونو-گوندن گوجلنیر….انشاء الله گله جکده تورکجه میزه و اورموموزا بیر قزئته چی و یازیچی اولاراق، بؤیوک ایشلر گؤروب قالارگی اثرلر یارادارلار……

  2. خانیم عبدی اورمیه نین چالیشقان قزئته چی لریندن دیر. اؤنجه لر فارسجا یازسادا، گئت-گئده تورکجه یازماغا ماراق تاپیب آنا دیلیمزده یازماغی اؤزونه واجیب بیلیب دیر. من اینانیرام ندا خانیم عبدی گئتدیکجه گؤزل نثرلر یازاجاق.
    خانیم عبدی، اورمیه نین امانت ایله شهامت نشریه لرینده سابقه سی واردیر و ایندی ده شهامت ده یازیر.
    اؤز سیرامدا بو حؤرمتلی قلمداشیما باشاریلار آرز ائدیرم

  3. salamlar.choxetgili bir yaziydi.istiyirdim izin versaz ve yazari neda khanim izin versalar bu yaziyi ela neda khanimin adiyla ya da necur desalar aghri dergisina aparim va orda yaysinlar.chunku doghurdan chox lazim bir yazi ve yayilmalidir.tezlikle cevab bekliyiram sizden.

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *