بوگون چهارشنبه 25 فروردین 1400 ساعات 17:14
ایشیق 1
آذربایجان معلم‌لری و تحصیل مساله‌سی
ایشیق 2

آذربایجان قفه‌خانالاری

ایشیق 3

آذربایجان و مهاجرت مساله‌سی

ایشیق 4
آذربایجان توی‌لاری

گئری قالمیش دوشونجه‌لرله پوست مودئرنیست اولماق اولماز!
ارشد نظری

پوست مودئرنیزم نه دئمکدیر؟ بونو دوشونمه‌یه، علمی فلسفه‌نی و اونون اوصوللارینی بیر آز بیلمک لازیم. یانی سؤز هر ندن اؤنجه فلسفه سؤزودو. اسکی یونان دؤورو، اینسانلار کی کایناتدا اوز وئره‌ن کیچیک و سس‌سیز ده‌ییشیملری گؤره بیلمیردیلر و باشا دوشموردولر. یانی عینییاتدا ایچ ده‌ییشرملرین( مئتاللارین تغییر میکانیزمی) آیدینلاشمامیشدی. تا کی بیر بؤیوک فلسفه‌چی دئدی: بیر چایدا ایکی یول یویونماق اولماز. زامان زامان بو سؤزون اوستونده چاتیشمالار کئچدی. سونرالار ایتالیان باشقانی بوتون رسساملاردان ایسته‌دی کی ان اعلا و سونونجو رسملرینی اونون ساراییندا چکیب شاها تقدیم ائتسینلر. بوتون رسساملار او ایشی گؤردولر. یالنیز پیکاسو آغ- آپباغ کاغیزی شاها سوندو. شاه سوردو: هانی من کی بیر رسم گؤرمورم. پیکاسو دئدی: سونونجو رسمی چکره‌ک گؤزومدن دوشور. بئله‌لیکله کوبیزم مکتبی هونر دونیاسیندا بیر یئنی باخیش کیمی یاراندی، آمما زامان زامان مودئرنیته باشلاناراق فوتوقیراف جیهازی اوواردیلدی( اختراع اولدو ). او جیهاز بو دوشونجه‌نین آچیقلانماسینا یاردیم ائتدی. دونیادا اونونلا یاناشی، علمی فلسفه‌نین اساس فوندلاری (تغییر، حرکت ، تکامول و…..) ایکی یوز بوندان اؤنجه بیر دئوریم (اینقیلاب) کیمی دوغرولدو. ثبوته یئتدی کی کامئرا (دوربین عکاسی) چکن بیر شکیل هر شئیین بیر آنی‌دیر. سونرالار فیلیم چکمک اورتایا گلدی. بیر گولون اکیلن لحظه‌سیندن بوزولانا (محو اولان) آنینا قده‌ر الده اولدو. بوردایدی کی، کایناتدا مودئرنیته‌نین و پوست مودئرنیزمین دوشونجه و باخیش فرقلری آچیقلاندی.
پوست مودئرنیزم یالنیز و یالنیز لحظه‌لری و آنلاری دوشونمک آنلامی‌دیر. هئچ زامان اونو یاشاماق اولماز. بیر اؤرنک; او اساسدا ‘ بیر اینسان بیرینی بیر آن سئوه بیلر. چون هره‌سی بیر تهر ده‌ییشیلیرلر. یا بیر کیمسه‌دن پول بورج آلسان، داها اونو قایتارماق گرکلی دئییل، چون آلان و وئره‌ن هامان آداملار دئییرلر. دونیادا هر نه ده‌ییشیم حالیندادیر. هئچ بیر کیمسه او دوشونجه‌نین اساسیندا کئچمیشدن فایدالانا بیلمز. گله‌جکلره پئلان (طرح) تؤکمک اولماز. دونیا نه قده‌ر یئتگینلشرسه ده، (تکامول تاپارسا) او باخیشی یاشاماق مومکون دئییل. اونو یالنیز دوشونمک اولار. البت اودا اؤته‌ری‌دیر. بونلارین معناسی بو دئییل کی بیر شاعیر او فورمادا یازماسین. نظره آلین کی بوگون یازیلمیش بیر شعیر بو حئسابیلان صاباح اوخومالی دئییل. اودور کی او یازیلارین بعضن خوشا گلمه‌سی گؤستریر کی، عملن پوست مودئرنیستی دئییرلر. یانی او اعتیباریله، یازینجا گؤزدن دوشر. آتانی آنانی گولو و … سئومک اولماز، آمما عملن سئویریک؛ چونکو او یازیلار پوست مودئرن دئییل. ایندیکی بعضن گنجلریمیز هئچ بیر کیتاب اوخومادان تاریخ و فلسفه بیلمه‌دن پورچونوکلو، چاتیشماز بیر شئیلر یازیرلار. او یاراماز آدی اؤزلریله داشییرلار.
منجه درین درین دوشونجه‌لری شکیللری بیر بیریله باغلانتیلی یازیب یاراتماق داهادا گؤزلدیر. منده باجاردیغیم قده‌ر او ایشی گؤرورم، آمما آدینی پوست مودئرن قویمورام؛ یانی ائله دئییل. نظره آلین کی بیر چانتایا نئچه شئی قویوبلار. بیر آلما، نئچه جوغاتا (پیچ)، شوشه سینیغی، آیاق قابی پئنجه‌سی، یون قیرخان قایچی، توخماق و……… چانتا اؤزوده بیر جیریق اسکی شالواردان سیریقلانیب. بو چانتا ایتیر، اونو تاپان بیر چوخ آیدین فیکیرلی اینسان. اوندان نه دوشونسون؟؟ بئله بیر اویغونسوز شلم شوربا، پوست مودئرن اثر اولمایاجاق. بئله بیر یازیلار، مودئرنیته‌دنده گئری قالیرلار. هله دوزگون حالتینده یازانلاردا، دوشونجه باخیمیندان حتمن گرک سئکولاریزمه و علمی دییالیکتیک اوصوللارا اینانمیش اولسونلار. گئری قالمیش دوشونجه‌لرله پوست مودئرنیست اولماق اولماز! یوخسا…

ارشد نظری

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *