ایشیق 1
آذربایجان معلم‌لری و تحصیل مساله‌سی
ایشیق 2

آذربایجان قفه‌خانالاری

ایشیق 3

آذربایجان و مهاجرت مساله‌سی

ایشیق 4
آذربایجان توی‌لاری

sahar barani
بیر کیتاب، بیر چئویری
سحربارانی
۱۳۷۱۴۲۹۴_۱۰۴۰۱۹۰۵۹۹۴۲۸۲۶۵_۱۹۲۱۹۹۶۳۴۹_n

اؤزگه (رومان)/ آلبر کامو – چئویرن: محمد رحمانی‌فر
انتشارات آذرتورک
گرافیست: سعید شیخ‌بیگلو
تبریز-۱۳۹۴ بایرام آیی
آنام بوگون اؤلموش؛ بلکه ده دونن، یاخشی بیلمیرم. قوجالار ائویندن آلدیغیم تلگراف بئله دئییر: «آنانیز دونیادان کؤچدو، صاباح تورپاغا تاپشیریلاجاق! باشینیز ساغ اولسون»
بئله‌لیکله قونو شبهه‌لی قالیر؛ دونن ده اولا بیلرمیش…
۱۹۱۳٫جو ایلده الجزیره ده آنادان اولدو. آتاسی بیرینجی دونیا ساواشیندا جانینی الدن وئردی. ۱۹۳۰دا یازیچیلیق و سیاسته باشلادی، اما چالیشدیغی پارتی‌دن قووولماسی اونو باغیمسیز بیر ژورنالیسته دؤنوشدوردو. ۱۹۴۰٫جی ایلده «اؤزگه» رومانینی یازیب و ۱۹۴۲ده یاییملادی. ۱۹۵۷٫جی ایلده نوبئل اؤدولونو قازانان آلبر کامو، ۱۹۶۰٫جی ایلده ۴۷ یاشیندا دونیاسینی ده‌ییشدی.
کامو اؤزگه‌ رومانینی بئله آنلادیر: «بیزیم جامعه‌ده آناسینین تورپاغا تاپشیرما تؤره‌نینده آغلامایان کیمسه، اؤزونو اؤلومه محکوم اولماق تهلوکه‌سینه سالیر»
اؤزگه‌نین قهرمانی اؤزونو و اؤز گئرچک‌لرینی یاشایان عادی بیر انسان‌دیر. یالانی هئچ حالدا سئومه‌ین یالقیزلیغا محکومدور! چونکو بوتون اولایلاری دوغال اولاراق اولدوغو کیمی، باش وئردییی و گؤردویو کیمی دیله گتیریر. بئله‌جه اونون حال هواسینی و دونیاسینی آنلاماق چتینله‌شیر، هابئله اونون دا دونیانی و چئوره‌سینی آنلاماسی چتین اولور…
بیر اثری مرجع بیر دیلدن آلیب اونو چئویریب و اویغونلاشدیرماق بلکه او اثری یاراتماق قده‌ر چتین ایشدیر، امانتدارلیق و شخصی باخیش‌لاری قاتماماق و متنی اولدوغو و یازیلدیغی کیمی اوخویوجویا چاتدیرماق آغیر بیر تعهددور.
هله بو اثر ادبی و هابئله دونیالیق بیر اثر اولونجا ایش داها دا چتینله‌شیر. چونکو ادبیات بوتون دیللرین أن اؤزل و أن حساس اوزودور. بونون اوچون ادبی بیر اثری چئویرمک، بیر اثری باشدان یاراتماق قده‌ر اؤنملی ساییلا بیلر و تخصصی ترجمه‌نین یانی سیرا مقصد دیله اولدوقجا تسلط و اونون یانی سیرا دا اینجه روح و گئنیش ادبی‌ باجاریق طلب ائدیر.
بو اثرین چئویرمنی جناب محمد رحمانی‌فر بیر نئچه قایناقدان قوللاناراق، اثرین اورجینال دیلی فرانسیزجا، سونرا انگیلیزجه چئویریسی و سونرا سیرایلا تورکجه و فارسجا چئویری‌لری ایله توتوشدوروب أن اویغون چئویرینی حاضیرلاییب و سونماغا چالیشمیشدیر. اونون آخیجی دیلینه و ادبی اینجه‌لییینه باخیلیرسا و حاضیرلادیغی اثرین داها ایلک جومله‌لرینی گؤزدن کئچیردیییمیزده، باشاریلی اولدوغونو وورغولاماماق اولاسی کیمی دئییل!

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *