ایشیق 1
آذربایجان معلم‌لری و تحصیل مساله‌سی
ایشیق 2

آذربایجان قفه‌خانالاری

ایشیق 3

آذربایجان و مهاجرت مساله‌سی

ایشیق 4
آذربایجان توی‌لاری

France Nobel Literature
نوبئلچی پاتریک مودیانونون ایلک موصاحیبه‌سی
چئویرن: نیگار آن- کؤچورن: حسین واحدی

 پاتریک مودیانو: آلو
هئلئنا هئرنماک: سلام. نوبئل موکافاتی آلماغینیز موناسیبتی ایله سیزی صمیمی قلب‌دن تبریک ائدیریک.
پ.م : چوخ لوطفکارسینیز، چوخ دویغولاندیم.
ه.ه : منیم آدیم هئلئن‌دیر. سیزه نوبئل‌پریز سایتین‌دان زنگ ائدیرم. بیر نئچه سوال وئرمک اوچون بیزه آییردیغینیز واختا گؤره تشککور ائدیریک.
پ.م : آاا، بلی، بلی، بلی.
ه.ه : خبری آلاندا هارادا ایدینیز؟
پ.م : اصلینده من خبری آلاندا کوچه‌ده ایدیم. هه، دوغرودان، کوچه‌ده ایدیم. قیزیم منه خبر ائله‌دی.
ه.ه : قیزینیز موبایل تئلئفونونوزا زنگ ائله‌دی؟
پ.م : هه، هه، هه، من چوخ تاثیرلندیم. چوخ ممنون اولدوم، چونکی منیم ایسوئچ‌لی[سوئدلی] نوه‌م وار.
ه.ه : همین واخت هاردا ایدینیز، پاریس‌ین مرکزینده؟ محض هانسی کوچه‌ده؟
پ.م : لاپ دقیق جاردئن دئ لوکسئمبورق کوچه‌سینده.
ه.ه : نه گؤزل. نوبئل موکافاتی قازانماغینیز سیزین اوچون نه معنا وئریر، نه‌یی ایفاده ائدیر؟
پ.م : ان بیرینجی، گؤزلنیلمزلیک. بو ائله بیر شئی ایدی، من فیکیرلشمیردیم، غالب اولا بیلرم. دوغرودان، منی تاثیرلندیردی، چوخ دویغوساللاشدیم.
ه.ه : اوزون ایللرین یازیچیسیسینیز. نه‌یه یازیرسینیز؟
پ.م : من یازماغا چوخ ائرکن – 20 یاشیمدا باشلادیم. ایندی اوزون زامان کیمی گلیر آداما. بو طبیعی، حیاتیمین بیر پارچاسی اولان بیر شئی‌دیر.
ه.ه : 20-30 کیتاب یازمیسینیز. ائله بیری وارمی اونو بؤیوک ممنونیتله یازمیسینیز، سیزین اوچون او دیگرلرین‌دن داها چوخ اهمیت کسب ائدیر؟
پ.م : بیلیرسینیز، بونو دئمک چتیندی. منده همیشه ائله تصورات اویانیر کی، عینی کیتابی یازیرام. بئله چیخیر کی من 45 ایلدیر، داوام‌لی اولا‌راق عینی کیتابی یازیرام. آدام حقیقتن ده گئرچک اوخوجوسونو تانیمیر.
ه.ه : ایندی سیز دونیاشؤهرت‌لی اولاجاقسینیز، هانسی کیتابینیزی هر کسه اوخوماغی مصلحت گؤرردینیز؟
پ.م : منه ائله گلیر کی، آخیرینجی کیتابیمی.
ه.ه : او کیتابین آدی ندیر؟
پ.م : ″Pour que tu ne te perdes pas dans le quartier″ آدلانیر.
ه.ه : نه اولور؟
پ.م : (پوور قوئ تو نئ تئ پئردئس پاس دانس لئ قوارتیئر.) بو اطراف موحیطده ایتیریلمیش گله‌جک‌دن بحث ائدیر. اونا گؤره من اونو مصلحت بیلیرم، آخیرینجی کیتاب همیشه آدام؛ ترکی-دونیا ائدیر..
ه.ه : بو گئجه‌نی بوتون عائله ایله قئید ائتمه‌یه حاضرلاشیرسینیز؟
پ.م : بلی، من عائلمله بیر یئرده اولماق ایسته‌ییرم. منیم ایسوئچ‌لی نوه‌مله بیر یئرده، هانسی کی منه ممنونلوق و سئوگی بخش ائدیب. بو اونون اوچون‌دور، من بو موکافاتی اونا حصر ائدیرم. آخی اونون اؤلکه‌سین‌دندی.
ه.ه : دئکابردا ایسوئچه گلجکسینیز؟
پ.م : هه، البته.
ه.ه : بوتون عائله‌نیزله؟
پ.م : هه، هه (گولور).
ه.ه : عائله‌نیز بؤیوکدو؟
پ.م : دوزو، یوخ. منیم ایکی قیزیم و بیر نوه‌م وار. ائله ده بؤیوک عائله‌میز یوخدو.
ه.ه : چوخ ساغ اولون، بیر داها تبریک ائله‌ییرم.
پ.م : سیز ساغ اولون. اومید ائدیرم، چاشدیریجی هئچ نه دئمدیم.
ه.ه : بویورون، بویورون. بیر داها ایسوئچ‌دن و نوبئل‌پریز سایتین-دان صمیمی تبریک‌لر.
پ.م : چوخ دویغولاندیم.

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *