اوخوماق زامانی: 2 دقیقه

اشتراک گذاری در facebook
اشتراک گذاری در twitter
اشتراک گذاری در whatsapp
اشتراک گذاری در telegram
اشتراک گذاری در email
چئویرن: ایشیق
ترجمه: ایشیق
ایشیق
00:00
00:00

بو یازی‌نین سس فایلی هله حاضیرلانماییبدیر. بو یازی‌نی اؤز سسینیزله اوخویوب بیزه گؤندره بیلرسینیز.

“آراز باری” کیتابی‌نین تقدیمات مراسیمی کئچیریلدی
arazbari

شهریور آیی‌نین بیرینجی هفته‌سینده معاصرآذربایجانلی شاعره سونا ولی‌یئوانین “آرازباری” آدلی شعر کتابی‌نین ایران چاپی‌نین تقدیمات مراسمی اورمیا شهرینده حوزه‌ی‌هنری مدنیت اداره‌سی‌نین ادبی شعبه‌سی تشبثو ایله کئچیریلدی. بو ادبی تدبیرده 40- دان چوخ اورمیالی شاعر و تنقیدچی اشتراک ائتمیشدی. حوزه‌ی هنری ادبی شعبه کاتیبی، دنیز قزئتی و دنیزنیوز سایتی‌نین باش‌رئداکتورو شاعر و یازیچی مصطفی قولوزاده تدبیرین آچیلیشیندا سونا خانیم ولی‌یئوانی چاغداش آذربایجان شعرینده متفکر و اجتماعی بیر شاعر تانیتدیردی.
بو مراسیمده اورمیالی تانینمیش شاعر حمید واحدی ده اؤز فکرلرینی ادبیات نؤقطه‌یی‌نظریندن سؤیله‌دی و سونا خانیمین شعرلرینده اولان میللی حیسلری چوخ گوجلو و آلقیشا لاییق بیلدی. تدبیرده دیگر اشتراک ائدن شاعر و یازیچیلاردان رؤیا شاه‌حسین‌زاده، محمود شامی، زهرا کریم‌زادگان، علی شجاع، قنبر حاجیوند، خلیل شیخلی، اسماعیل مد‌دی، شاهروخ رضوانی، علی رزم‌آرا بو موناسیبتله اؤز رای و نظرلرینی سونا ولی‌یئوا و کیتابی حقینده سؤیله‌دیلر. تهراندان تلفون باغلانتیسی ایلا تدبیره قاتیلان اکبر علیار دا سونا خانیمی آذربایجان ادبی محیطینده تانینمیش و سئویلمیش بیر شاعر آدلاندیراراق – منجه بئله-بئله اثرلرین نشری ایران آذربایجانی چاغداش ادبیاتی‌نین انکشافی اوغروندا یارارلی اولاجاق- دئدی و ایکی اؤلکه‌نین شاعرلری و یازیچی‌لاری‌نین قارشیلیقلی اولاراق ادبی تشکیلاتلار طرفیندن بیری‌بیرینه تانیتدیرماغی اومید ائتدی.
اورمیانین گؤرکملی صنعتکاری آشیق ناباتعلی علیزاده ده بو مراسمده سونا ولی‌یئوانین آرازباری کتابیندن ایکی شعری سازی‌ایلا اوخودو و مراسم اشتراکچیلاری‌نین ماراغینی قازاندی.
مراسمین سونوندا آرازباری کتابی‌نین ایران نشری و سونا خانیمین یارادیجیلیغی حاقدا حاضرلانمیش ویدئو دیسکئتی اشتراکچیلارا هدیه ائدیلدی.
قید ائدک کی، سونا ولی‌یئوانین آرازباری کتابی بو ایل ایرانلی شاعر اکبر حمیدی علیارین واسطه‌سی ایله اسکی الیفبایا کؤچورلوب و قوم- تهران شهرلرینده فعالیت گؤسترن آوای منجی نشریاتی طرفیندن نشر ائدیلیب.

اشتراک گذاری در print
چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *