“رضا عبدی” بیرینجی صباحی اؤیکو اؤدولونو قازاندی
صباحی اؤیکو اؤدولونون اجرایی هئیتی‌نین یایدیغی خبره اساسن، بیرینجی صباحی اؤیکو اؤدولو “رضا عبدی” جینابلارینا عایید اولوندو. رضا عبدی یازدیغی “اؤلوم دئییل کی” حکایه‌سینه گؤره بو یاریشمانین بیر میلیون تومن موکافاتینی قازاندی. اوغور قازانان دوققوز داها حکایه‌نین یازارلارینداندا تقدیر ائدیله‌جکدیر.
ایلک اون حکایه:
1- اؤلوم دئییل کی – رضا عبدی (تبریز)
2- گؤزومو یوموب آچیرام – هلیا بشیرزاده (تهران)
3- ساری – ایلقار موذن زاده (خیوو)
4- اوره‌ییمده پالتار یووان خانیم – رضا جاوان (سالماس)
5- اؤلوم ماهنی‌سی – رحیم اقدم خواجه (تبریز)
6- ایلان ایلی – فرانک انصاری (اردبیل)
7- چیلپاق سؤیود آغاج‌لاری – مجید راستی (تبریز)
8- آغاج‌لارین آراسیندان گلن خیشیلتی سسی – پری آخته (اردبیل)
9- گلدی-گئدر – سعید نجاری (کویو)
10- پنجره – مهدی اصولی (خیوو)
