“عظیم قیچی‌ساز”ی تبریک ائدیریک…
دونیا شهرتلی آذربایجانلی داغچی “عظیم قیچی‌ساز” “تبت”ین 8201 مترلیک “جوایو” ذیروه‌سینی فتح ائتمک‌له، دونیانین 8000 متردن اوجا 14 ذیروه‌سیندن اون‌ایکینجی ذیروه‌سینه‌ده غالب گلدی. ایران مقیاسیندا بو باخیمدان رکورد صاحیبی اولان “عظیم قیچی‌ساز” بوندان اؤنجه دونیانین 8000 متردن اوجا 11 ذیروه‌سینی‌ده فتح ائتمیشدیر. او 1384ینجی ایل 24 یاشیندا ایکن 8848 مترلیک “اورست” ذیروه‌سینه اوکسیژ‌ندن استفاده ائتمه‌یه‌رک غلبه ائتمیشدیر.
بیز بو یئنی نائلیتی و شرفی سارسیلماز وطنداشیمیز “عظیم قیچی‌ساز” جنابلارینا، اونون محترم عائله‌سینه، سئون‌لرینه، ایران و آذربایجان ملتینه صمیمیت‌له تبریک دئییر، آذربایجانین غیرتلی اوغلونا داهادا اوغورلار آرزولاییریق.
“ایشیق” – آذربایجان ادبیات و اینجه صنعت سایتی
9 مهر 1392
