تهراندا “آذربایجان فولکلورو گئجه‌سی” کئچیریله‌جک
شهریور آیی‌نین 14ینجی گونو (آدینا آخشامی) ساعات 5 دن 8 قده‌ر تهرانین اندیشه مدنیت ساراییندا (سید خندان کؤرپوسونون یاخینلیغیندا) آذربایجان فولکلورو گئجه‌سی کئچیریله‌جک. بو ییغینجاقدا فولک موسیقیسی‌ایله برابر, آذربایجان شیفاهی خالق ادبیاتیندان نمونه‌لر وئریله‌جک و بو ساحه‌ده چالیشان صنعتکارلارین چیخیشلاری اولاجاقدیر. عینی حالدا مراسیمین نزدینده “آذربایجاندا قدیم پئشه‌لر” عنوانلی سندلی شکیل‌لر سرگیسی‌ده تشکیل اولوناجاقدیر.
مراسیم, صابر ادبی انجومنی, ساهر ادبی- مدنی درنه‌یی, آذربایجان ائل بیلیمی موسسه‌سی و ایشیق سایتی‌نین(آذربایجان ادبیات و اینجه‌صنعت سایتی) ایش‌بیرلیگی‌له پیلانلاشدیریلیبدیر.
بو حاقدا یاخین گونلرده اطرافلی معلومات وئریله‌جک.
