فلسفه و علم‌سئورلر اوچون یئنی بیر ده‌یرلی کیتاب نشر ائدیلیبدیر. «نیازی مهدی» و «دیلاره مهدی»نین قلمه آلدیغی، «فلسفه تاریخینده فلسفه» آدلی ده‌یرلی کیتاب، تانینمیش شاعر و تنقیدچی«همت شهبازی»نین ایضاحاتی ایله کؤچورولوب و اوخوجولارین استفاده‌سینه وئریلیبدیر. بو اثر؛ «نه و نئجه دئییلن‌لر» باشلیغی آلتیندا، دنیزچین / طغرل انتشاراتی طرفیندن ۲۷۶ صحیفه‌ده نشر ائدیلیبدیر.
بو کیتابدا دونیا فلسفه‌سیندن سئچیلمیش ماراقلی نمونه‌لر علم سئونلر اوچون ساده و آیدین دیلده ایضاح اولونور. موللیفلر فلسفی ایدئیالاری یئنی مثال و فاکتلارلا علاقه‌لندیره‌رک، اوخوجولاری ماراقلاندیران مسئله‌لری دوشونمگه یؤنلدیرلر.
اثرین موللیفلریندن بیری اولان «نیازی مهدی» – فلسفه‌ده، تنقیدچیلیکده و ادبیاتشوناسلیقدا، آذربایجان مدنی موحیطینده درین ایزلر قویموش گؤرکملی شخصیتلردندیر. او، ۱۹۵۱-جی ایلده باکی‌دا آنادان اولوب آذربایجان دؤلت دانیشگاهینین فیلولوژی و موسکووا دؤلت دانشگاهینین فلسفه فاکولته‌لرینی بیتیرمیشدیر. فلسفه علملری دوکتورو اولان نیازی مهدی، ۱۹۸۹-جو ایلدن آذربایجان یازیچیلار بیرلیگی‌نین عضوی‌دیر.
بو ده‌یرلی کیتابی طغرل یاییم ائوی و آنلاین‌کتابچی‌دان آلا بیلرسیز.
@togrulpub
