«منه گؤزلرینده بیر دنیز گتیر» کیتابیندان اؤرپک گؤتورولدو

قلم گونو موناسیبتی ایله، موغانین ده‌یرلی شاعری توحید نامور(آدلیم)-ین «منه گؤزلرینده بیر دنیز گتیر» کیتابیندان اؤرپک گؤتورولدو.
چرشنبه ۱۴۰۲٫۰۴٫۱۴ «قلم گونو» آدی‌لا بویالانمیش گؤزه‌ل بیر توپلانتی‌دا، ساعت ۱۷-ده، پارس‌آبادین فرهنگ و ارشاد اداره‌سینین اجتماعات سالونوندا، «اوستاد شهریار» آدلی شعر و ادب درنه‌یی‌نین تشبثو و اطراف شهرلردن گلن قوناقلارین حضوری ایله، شعر اوجاغی قورولدو.
شهرستانین ده‌یرلی عاشیق و شاعرلری بیرلییینده کئچیریلن بو ساز-سؤز آخشام اوستوده، موغانین ده‌یرلی شاعری توحید نامور(آدلیم)-ین «منه گؤزلرینده بیر دنیز گتیر» کیتابیندان اؤرپک گؤتورولدو.
بو تؤره‌نه گلن شاعرلر، اؤز درین و دویغولو شعرلریله بو مقدس آخشام اوستونه، خاطیره‌لی آن‌لار باغیشلادیلار.
▫️توپلانتی‌نین سونوندا بیر نئچه یازاردان تجلیل اولونوب، یادیگار شکیل‌لر چکیلدی.

خبری گؤندرن: پاشا