چئویرن: ایشیق
ترجمه: ایشیق
ایشیق
00:00
00:00

الیمیزه چاتان خبر اساسیندا، گؤرکملی آذربایجان یازیچیسی، میتولوژیستی و حؤرمتله سئویلن اجتماعی شخصیتی «میرعلی سیدسلامت»ین تبریز شهرینده طنطنه‌لی خاطیره آخشامی کئچیریلمیشدیر.
دی آیی‌نین ایکینجی گونو تبریز شهرینین ساوالان ساراییندا بیر چوخ انسانلارین اشتراکی ایله تانینمیش یازیچی‌نین حیات و یارادیجیلیغی باره‌ده فیکیرلر و اونونلا باغلی دوستلوق خاطیره‌لری سؤیلنمیشدیر. مراسیمین آپاریجیسی «کریم رستمی» مجلیسین رسمی باشلانیشیندان اؤنجه یازیچی‌نین یاخین دوستو «حسن انداچه»نی میرعلی سید سلامت کیمدیر؟ موضوعسوندا دانیشماغا سسله‌میش، حسن انداچه ایسه دوستونون شخصیتی و اونون علمی بدیعی تدقیق ایشلری حاقیندا دانیشمیشدیر.
مراسیم، آذربایجانین تانینمیش یازیچیسی، محققی و آغ‌ساققال شخصیتی اوستاد «رحیم رئیس‌نیا»نین چیخیشی ایله میرعلی سید‌سلامت‌ین اجتماعی سیاسی موباریزه‌سی و اونون اؤز بشری ایدئاللاری اوغروندا فعالیتی و بو ایدئاللارا صادق قالدیغی ده‌یرلندیریلمیش و مراسیمین رسمی آچیلیشی اعلان ائدیلمیشدیر.
تانینمیش شاعر و ترجومه‌چی «ناصر داوران» بیر شعری ایله اؤز دوستونون خاطیره‌سینی عزیزله‌میش و «میروحید برزگر» فارس دیلینده یازدیغی اؤلکه‌ده زندانلارین دورومو موضوعسونداکی مقاله‌سینی اوخوموشدور.
میرعلی سیدسلامت‌ین اجتماعی فعالیتلری او جومله‌دن آذربایجاندا باش وئرن زلزله حادثه‌سینده ضرر گؤرموش کندلرده خارابا قالمیش مدرسه‌لرین یئنی‌دن برپاسی اوغروندا یولداشلاریلا بیرلیکده آپاردیغی فعالیتلر و یاردیملار باره‌ده «مهندس کریمی» دانیشمیش و میرعلی‌نین یاخین دوستو شاعر «جعفر تانیش» اونون خاطیره‌سینه اؤز شعرینی مجلیس اشتراکچیلارینا چاتدیرمیشدیر.
گؤرکملی آذربایجان عاشیقی «عاشیق حسن اسکندری» و گنج موسیقیچی و ساز ایفاچیسی «روشن» اؤز ایفالاری ایله اوستاد میرعلی‌نین خاطیره‌سینی عزیزله‌میشلر.
خاطیره آخشامی اوستاد میرعلی‌سید‌سلامت‌ین باجیسی‌نین چیخیشی و مجلیس اشتراکچیلارینا اؤز تشکر و منتدارلیغینی بیلدیرمکله تماملانمیشدیر.
خاطیره آخشامینا آذربایجان ادبی مدنی درنک‌لری او جومله‌دن: ساهر ادبی مدنی درنه‌یی، ساوالان گروهو، تبریز داغچیلاری و میرعلی‌نین یولداشلاری طرفیندن چیچک چلنگ‌لری تقدیم ائدیلمیشدیر.

چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

تانینمیش یازیچی «میرعلی سیدسلامت»ین خاطیره آخشامی کئچیریلدی.

ایشیق
www.ishiq.net

آذربایجان ادبیات و اینجه‌صنعت سایتی

تانینمیش یازیچی «میرعلی سیدسلامت»ین خاطیره آخشامی کئچیریلدی.

ایشیق
www.ishiq.net

آذربایجان ادبیات و اینجه‌صنعت سایتی

تانینمیش یازیچی «میرعلی سیدسلامت»ین خاطیره آخشامی کئچیریلدی.

ایشیق
www.ishiq.net

آذربایجان ادبیات و اینجه‌صنعت سایتی