00:00
00:00

قدرتلی شاعر، متفکر ژورنالیست و آذربایجان ادبی- مدنی جمعیتی‌نین اعتبار و حؤرمتینی لاییقینجه قازانان اجتماعی شخصیت دوکتور حسن ریاضی (ایلدیریم)ین ایتگیسی‌نین ایل دؤنومو مناسبتی‌له تدبیر کئچیریلدی. ۴۰۰ نفردن آرتیق دوست-تانیش و ادبی مدنی درنک‌لرین عضولری‌نین اشتراکی‌لا کئچیریلن بو تدبیر تهرانین بهشت زهرا مزارلیغی‌نین ۵۵نجی بؤلومونده مزار باشیندا کئچیریلدی.
مرداد آیی‌نین ۲۸نجی جمعه گونو ایشیق- آذربایجان ادبیات و اینجه صنعت سایتی‌نین باش یازاری ائلدار موغانلی‌نین اجراسی ایله کئچیریلن بو تدبیرده بیر تعداد آذربایجانلی ادبی مدنی شخصیت‌لر حسن ایلدیریم حاقیندا اوره‌ک ‌سؤزلرین دئییب، شعرلر اوخودولار.
تدبیر، ترجمه‌چی و «اشک سبلان» و «رود پرخروش» رومانلاری‌نین یازیچیسی اوستاد ابراهیم دارابی‌نین سؤزلری ایله باشلاندی، سونرا تانینمیش رسام پرویز حبیب‌پور، اجتماعی شخصیت و ده‌یرلی شاعر اوستاد حبیب فرشباف و تعهدلی آذربایجان یازیچیسی اوستاد نریمان ناظم صلح، آزادلیق و اجتماعی عدالت کیمی بشری ایدئاللارا وفالی قالان بو اینسانین اخلاقی کیفیت‌لری و یارادیجیلیغی حاقیندا دانیشدیلار.
ده‌یرلی یازیچی و ژورنالیست دوکتور مرتضی مجدفر صابر ادبی انجومنی‌نین، شاعر عدالت دومان خدافرین ادبی انجومنی‌نین، شاعر عظیم آقایی نباتی ادبی انجومنی‌نین و شاعر درداوغلو قاراداغ ادبی انجومنی‌نین مدیرلری، منسوب اولدوغو درنک‌لرین تدبیره گؤندردیکلری مئساژلاری تدبیر اشتراکچیلارینا چاتدیردیلار. تدبیر ساهر ادبی مدنی درنه‌یی طرفیندن جناب فیض و ریاضی عائله‌سی طرفیندن حسین ریاضی جنابلاری‌نین مئساژ و تشکر و منتدارلیق سؤزلری ایله باشا چاتدی.
بو مراسیمده خاطره دفتری عنوانیندا نشر ائدیلن کیتابدان ۳۰۰ نوسخه اشتراکچیلار آراسیندا پایلاندی. ۵۷ نفر ادبی مدنی و اجتماعی شخصیتلر طرفیندن گؤندریلن مئساژلاری اؤزونده جمعلشدیرن بو کیتابا مفتون امینی، رحیم رئیس‌نیا، کریم مشروطه‌چی سؤنمز، صمد رحمانی، ناصر داوران، میانالی علیرضا، حسین شهرک، فیروز رفاهی، شمس لنگرودی، پرویز پرستویی، پرویز بابایی، احمد پوری، اردشیر رستمی، چنگیز مهدی‌پور، رقیه کبیری، فریبا وفی، احد واحدی، ملیحه بصیر، عظیم قیچی‌ساز، علی آغ گونئیلی، ابراهیم تفضلی، کریم قربانزاده، جواد دربندی و حؤرمتلی اوستادلار بهزاد بهزادی، علی اشرف درویشیان و مجید امین‌مؤید عائله‌لری طرفیندن گؤندریلن مئساژلار داخل اولموشدور. عزیز خاطیره‌سینه عشق اولسون!

****

مراسم اولین سالگرد فقدان زنده یاد دکتر حسن ریاضی(ایلدیریم) برگزار شد
در یکمین سالگرد فقدان شاعر توانمند، روزنامه‌نگار صاحب نظر و شخصیت اجتماعی مورد وثوق جامعه ادبی فرهنگی آذربایجان دکتر حسن ریاضی(ایلدیریم) مراسم باشکوهی با شرکت بیش از چهارصد نفر از دوستان، آشنایان و اعضای انجمن‌های ادبی فرهنگی آذربایجانی بر سر مزار ایشان در قطعه ۵۵ بهشت زهرای تهران برگزار شد. در این مراسم که روز جمعه ۲۸ مرداد با اجرای ائلدار موغانلی سردبیر سایت ادبی هنری «ایشیق» برگزار گردید، عده‌ای از شخصیتهای ادبی و اعضای انجمنهای ادبی آذربایجانی سخنرانی و به یاد و خاطره دکتر حسن ریاضی، این آذرخش آسمان فرهنگی آذربایجان شعرخوانی کردند.
مراسم با سخنرانی استاد ابراهیم دارابی مترجم و نویسنده رمان‌های «اشک سبلان» و «رود پرخروش» آغاز شد و پس از آن نقاش برجسته کشور استاد پرویز حبیب‌پور، شخصیت اجتماعی و شاعر گرانقدر استاد حبیب فرشباف و داستان‌نویس متعهد آذربایجانی استاد نریمان ناظم در باره سجایای اخلاقی و آفرینشگری این انسان وفادار به آرمان‌های بشری صلح، آزادی و عدالت اجتماعی نوشته‌های خود را قرائت کردند. نویسنده و روزنامه‌نگار گرانقدر دکتر مرتضی مجدفر از مدیران انجمن ادبی صابر، شاعر عدالت دومان دبیر انجمن ادبی خدافرین، شاعر عظیم آقایی دبیر انجمن ادبی نباتی و شاعر درداوغلو دبیر انجمن ادبی قره‌داغ نیز پیام انجمن‌های خود را به اطلاع شرکت‌کنندگان مراسم رساندند. مراسم با قرائت بیانیه انجمن ادبی فرهنگی ساهر توسط جناب فیض و سخنرانی آقای حسین ریاضی به نمایندگی از طرف خانواده محترم ریاضی به پایان رسید.
در این مراسم ۳۰۰ نسخه از کتاب یادمان حاوی چکیده‌ای از پیام‌ها و اظهارنظر ۵۷ نفر از شخصیت‌های ادبی، فرهنگی و اجتماعی کشورمان از جمله: مفتون امینی، رحیم رئیس‌نیا، کریم مشروطه‌چی سؤنمز، صمد رحمانی، ناصر داوران، میانالی علیرضا، حسین شهرک، فیروز رفاهی، شمس لنگرودی، پرویز پرستویی، پرویز بابایی، احمد پوری، اردشیر رستمی، چنگیز مهدی‌پور، رقیه کبیری، فریبا وفی، احد واحدی، ملیحه بصیر، عظیم قیچی‌ساز، علی آغ گونئیلی، ابراهیم تفضلی، کریم قربانزاده، جواد دربندی و خانواده‌های محترم اساتید بهزاد بهزادی، علی اشرف درویشیان و مجید امین‌مؤید در مورد زنده یاد دکتر حسن ریاضی(ایلدیریم) در بین حاضرین توزیع شد. یاد و نام‌اش گرامی باد!

تدبیردن شکیل‌لر

چاپ

یک پاسخ

  1. اونودولماز ایگید حسن ریاضی (ایلدیریم)-ینی اونودولماز ایگید داداشیم عابباس بوزورگ امینله تانیدیم..داداشیمین باغایرساق کانسرینه یاخالانان ایل..۱۳۷۷- ینجی ایلین ایلک آیلاریندا..تهراندا آراد خستا خاناسیندا..ایلیدیریم دوغروداندا ایلدیریم تک داداشیمی کانسرین جایناغیندان قورتارسین دییه چیرپینیردی…دوکتور بایبوردینی بولوب داداشیمین باشی نین اوستونه گتیرمیشدی..اوزونو اودا کوزه ووراراق داداشیمی توختادماغا جان آتیردی..خسته خانادا دوکتورلارا، پرستارلارا داداشیمی تانیتدیریردی…اوندان ایسته ییردی سینه دفتریندن شعر اوخوسون…حسن ریاضی ایلدیریم چوخ گوزل ایگید بیر دوست، اونودولماز باریش سئون، هومانیتار بیر انسان و شاعریدی…اونون جانی دیلدین داداشیما ائتدیگی قوللوقلاری هئچ زامان اونودمارام…داداشیمین دا حسن ریاضی ایلیدیریمی نقدر سئودیگینی او نئچه گون تهراندا دریندن دویدوم..ها بئله حسن ایلدیریم داداشیمی اوزونه بیر بویوک قارداش و اوستاد کیمی وورغونلوغونودا دویدوم..یوللاری داواملی، یولچولو، آدلاری قالارقی اولسون..

دیدگاهتان را بنویسید

نشانی ایمیل شما منتشر نخواهد شد.

دوکتور حسن ریاضی(ایلدیریم)ین ایتگیسی‌نین ایل دؤنومو مناسبتی‌له تدبیر کئچیریلدی

ایشیق
www.ishiq.net

آذربایجان ادبیات و اینجه‌صنعت سایتی

دوکتور حسن ریاضی(ایلدیریم)ین ایتگیسی‌نین ایل دؤنومو مناسبتی‌له تدبیر کئچیریلدی

ایشیق
www.ishiq.net

آذربایجان ادبیات و اینجه‌صنعت سایتی

دوکتور حسن ریاضی(ایلدیریم)ین ایتگیسی‌نین ایل دؤنومو مناسبتی‌له تدبیر کئچیریلدی

ایشیق
www.ishiq.net

آذربایجان ادبیات و اینجه‌صنعت سایتی