تبریک ائدیریک
اوستاد «علی فرشباف» ۷۰ یاشیندا
چئویرن: ایشیق
ترجمه: ایشیق
ایشیق
00:00
00:00

گؤرکملی آذربایجان صنعتکاری، ویولونیست و کامانچا اوستاسی علی فرشباف ۷۰ یاشینا دولدو.

۱۳۳۰نجی ایل تبریز شهرینده دونیایا گؤز آچمیش و یئنی‌یئتمه‌لیگیندن موسیقی صنعتیله مشغول اولان صنعتکار، ایران آذربایجانی موسیقی صنعتی‌نین انکشافیندا قویدوغو دانیلماز مثبت تاثیرلری اعتباریله، چوخ تقدیره لاییق و شرفلی بیر صنعت فداییسی‌دیر.
عالی تحصیلاتینی «هنرستان موسیقی تبریز»ده باشا ووران اوستادین بسته‌له‌دیگی «گئجه‌دیر»(صمد بهرنگی)، «صبح نمازی»(محمود قبه‌زرین)، «صولح اولماسا»، «حیات»، «شانلی داغلار»، «تنبل حسن»(حبیب فرشباف)، «آی اوشاقلار»(علیرضا نابدل)، و دیگر ماهنی و مارش‌لاری اوزون ایللر صنعت‌سئونلر رغبتینی قازانمیش و دیللر ازبری اولموشدور.

عکس: روشن نوروزی

اوستاد فرشبافین صنعت عؤمرونون بهره‌سی اولان اون‌لار صنعتکار بو گون آذربایجان موسیقی صحنه‌لرینده پارلاییرلار. اوستادین ملی رقصیمیزی متدیک اؤیره‌دیب یایماسی، عاشیق صنعتیمیزین علمی‌لشمه‌سینده‌کی قویدوغو تاثیری، حسن انعامی، یاشار شادپور، مسعود پایاوند، سهند اسدی، یاشار جوادپور کیمی تانینمیش آذربایجان صنعتکارلارینین تربیه ائدیلمه‌سینده‌ چکدیگی زحمتلری، موسیقی مکتبلری اوچون یازدیغی ایکی جیلدلیک «کامانچا مئتودی» کیتابی و اون‌‌لار بو کیمی ایشلری، آذربایجان خالقی‌نین یادداشیندا قالارغی و سیلینمز پارلاق ایزلره چئوریلیبدیرلر. اونون چکدیگی زحمتلر، علی فرشبافی بوگون آذربایجان مدنیتی‌نین مشهورلاری سیراسینا و تبریز کامانچا مکتبی‌نین قوروجوسو سویه‌سینه یوکسلتمیشدیر.

بیز، ایشیق (آذربایجان ادبیات و اینجه‌صنعت سایتی) امکداشلاری، سئویملی اوستاد علی فرشبافی آد گونو موناسیبتیله تبریک ائدیر، گؤرکملی صنعتکارا داهادا یارادیجیلیق اوغورلاری، جان ساغلیغی و بارلی بهرلی عؤمور آرزولاییریق. ساغ اولسونلار.

آچیقلاما:
بیزیم آرشیویمیزده اولان معلومات، اوستاد علی فرشباف‌ین دوغوم گونونو ۳ آذر ۱۳۳۰ گؤستریر، آنجاق اوستادین یاخینلاری‌نین بیزه چاتدیردیغی معلومات اساسیندا ۳ بهمن ۱۳۳۰ دوغرودور و بیز سهو ائتمیشیک. (ایشیق)

اشتراک گذاری در print
چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

اوخوماق زامانی: < 1 دقیقه
اشتراک گذاری در facebook
اشتراک گذاری در twitter
اشتراک گذاری در whatsapp
اشتراک گذاری در telegram
اشتراک گذاری در email
تبریک ائدیریک

اوستاد «علی فرشباف» ۷۰ یاشیندا

ایشیق
www.ishiq.net

آذربایجان ادبیات و اینجه‌صنعت سایتی

تبریک ائدیریک

اوستاد «علی فرشباف» ۷۰ یاشیندا

ایشیق
www.ishiq.net

آذربایجان ادبیات و اینجه‌صنعت سایتی