«بان» درگیسی‌نین ایلک ساییسی گلن گونلرده یایینلاناجاق
تورکجه و فارسجا یاییلاجاق آیلیق بان درگیسی‌نین ایلک نومره‌سی یاخین گونلرده ایشیق اوزو گؤره‌جکدیر. مدنی و اجتماعی موضوعلاری اؤزونه مقصد گؤتورن بو درگی‌نین صاحبی و مسئول مدیری تانینمیش شاعریمیز «دومان اردم»دیر. شاعر دومان اردم‌له آیخان علیزاده، حامد احمدی، مهدی سمساری و … امکداشلیق ائدیر. درگی‌نین ایلک نومره‌سینین یاییلماسی موناسیبتیله یاییلان خبر بئله‌دیر:
«بان درگیسی‌نین اصیل هدفی، تریبونسوز جوان یازیچیلاریمیزا تریبون اولماق، کند ادبیاتیندان قوپوب شهر ادبیاتینا، شهر مفاهیمینه چاتماقدیر.»
«نئجه باشلاییریق؟
بیز اؤلولردن دانیشمیریق. آنجاق اؤلولری دانیشدیریب، گلَجهیه باش ووروروق. اؤلولرین قارانلیق سیراسیندان چیخیب، دونبهلن دوز گون اورتا چاغی گولوستان باغینین اورتاسیندا سؤیود آغاجی کیمی دیک دوروروق. بو بیزیک! گولوستان باغیندا بیر سؤیود آغاجیییق. مینبیر اَلی وار، مین بیر بوداغی. بئلهجه توخونور سیزه بو شهر. بیز شهردن یازیریق، شهردن!»
«ایشیق» آذربایجان ادبیات و اینجه سایتی امکداشلاری آدیندان «بان» درگیسی‌نین اداره هئیتینه و امکداشلارینا تبریک دئییر، و حؤرمتلی قلمداشلاریمیزا اوغورلار آرزولاییریق.
«بان» درگیسینیه یازی گؤندرمک ایسته‌ین‌لر آشاغیداکی آدرسله علاقه ساخلایا بیلرلر:
Ban.magazine.az@gmail.com
